C# мисоллар

ddd – ҳафта кунининг қисқа формати;

dd MMM – ойнинг тартиб рақами ва қисқача номланиши;

yyyy – йил;

ValueChanged ҳодисаси ишга туширилганда, label1 нишонидаги ёзувда танланган сана қиймат сифатида узатилади. Бунда String.Format методидан фойдаланилган бўлиб, "Танланган сана: {0}" даги 0 ўрнига dateTimePicker1 даги Text хусусияти қиймати узатилади.
Тугма босилгандаги ҳодисада аввало фокус (актив бошқарув элемент)ни dateTimePicker1га берамиз. Сўнгра эса F4 клавиши босилиши орқали календарни очиш мумкин. F4 функционал тугмаси Windows да рўйхатларни очиш учун ишлатилади. Ҳосил қилинган лойиҳани синовдан ўтказишингиз мумкин.

4-мисол. TextBox бошқарув элементи орқали матнли маълумотларни киритиш ва уларни TryParse методи орқали текшириш
Кўп ҳолларда формада матнли маълумотларни киритиб, уларни қайта ишлашга тўғри келади. Бунинг учун TextBox (матнли майдон) бошқарув элементидан фойдаланиш мумкин. Матнли майдонда бирор сонни киритиб, тугма босилганда унинг қийматини Label нишони ёзувига қиймат сифатида узатишни кўриб чиқамиз. Агар матнли бошқарув элементида сон киритилмаган бўлса, бу ҳақида фойдаланувчига хабар етказиш лозим.
Ушбу масалани ҳал қилиш учун VS 2012 муҳитини ишга туширамиз. Сўнгра янги Windows Forms Application (Приложение Windows Forms) лойиҳасини ҳосил қилиб, унга Ildiz номини берамиз.
Сўнгра форма дизайнерида ToolBox панелидан Label ва Button ва TextBox бошқарув элементларини жойлаштирамиз. Кейинги қадамда уларни 1.9 расмда келтирилгани каби жойлаштирамиз.

9. 
   расм. Соннинг илдизини ҳисобловчи дастур формаси
   

Кейинги қадамда бошқарув элементларининг баъзи хусусиятлари қийматларини ўзгартиришимиз лозим. Бунинг учун Forms1.cs файлида қуйидаги методни ҳосил қиламиз:
private void Form1_Load(object sender, EventArgs e)
{
button1.Text = "Илдиз чиқариш";
label1.Text = String.Empty;
// ёки label1.Text = null;
base.Text = "Квадрат илдизни аниқлаш";
textBox1.Clear(); // Матнил майдонни тозалаш
textBox1.TabIndex = 0; // Матнли майдонга фокусни узатиш
}