C# мисоллар

ASCII жадвалидаги 256 та символнинг 0 дан 127 гача инглиз алифбоси ҳарфлари, рақамлар ва бошқарув символлари жойлаштирилган. Жадвалнинг 128 дан 255 гача бўлган қисмида эса рус алифбоси ҳарфлари ва псевдографик символлар мавжуд. Ушбу жадвални баъзида DOS жадвали сифатида ҳам юритилади. Ушбу кодлаштириш жадвалидан баъзида баъзи веб-саҳифаларда фойдаланилади.
Windows операцион системасида асосан ANSI (Windows 1251) кодлаштириш жадвалидан фойдаланилади. ANSI ва ASCII жадвалларининг биринчи 128 та символлари устма-уст тушади. Рус алифбосининг ҳарфлари ушбу кодлаштириш жадвалларида турли ўринларда жойлашган. ANSI кодлаштириш жадвалида псевдографика мавжуд эмас. ANSI Cyrillic нинг бошқача номи мавжуд – Windows 1251.
Шунингдек икки байтли Unicode стандарти ҳам мавжуд. Ушбу кодлаштириш тизимида ҳар бир символ иккита байтдан фойдаланилади. Ушбу кодлаштириш тизимининг ўлчови – 2¹⁶=65536.
R радиусли айлана узунлигини аниқловчи дастурни тузиш лозим бўлсин. Бунинг учун Label нишонида грек β символини чиқаришимиз лозим бўлсин. Шунингдек π=3.14 ўзгармасни ҳам экранга чиқариш лозим бўлсин. Натижани MessageBox мулоқот ойнаси орқали грек ҳарфлари билан чиқариш лозим бўлсин.
Бунинг учун VS 2012 муҳитини ишга тушириб, янги Windows Forms Application (Приложение Windows Forms) лойиҳасини ҳосил қилиб, унга Unico номини берамиз. Cўнгра ToolBox панелидан формага иккита Label, биттадан Button ва TextBox бошқарув объектларини жойлаштирамиз. Дастурнинг кўриниши 1.17-расмда келтирилган:

17. 
    расм. Unicode символларидан фойдаланилган дастур интерфейси
    

Label1 нишонида ва MesageBox мулоқот ойнасида грек ҳарфларини чиқариш учун MS WORD матн муҳарриридан фойдаланиш мумкин. VS 2012 *.cs дастур кодларини Unicode форматида хотирага сақлайди. Шунинг учун ихтиёрий Unicode символидан дастурда фойдаланиш мумкин.
Махсус символлардан фойдаланишнинг иккинчи усули бу Convert.ToChar махсус функциядан фойдаланиш ҳисобланади. Ушбу функция параметри сифатида Unicode жадвалидаги символ тартиб рақами қабул қилинади. Unicode жадвалидаги символларга ўн олтилик саноқ системасидаги сон мос қўйилган. Ўн олтилик саноқ системасида берилган сонни ўнлик саноқ системасига ўказиш учун 0x форматидан фойдаланилади. Масалан, n=0x3B2 операторидан cўнг n ўзгарувчисига 946 қиймати берилади. Unicode жадвалида ушбу кодда β грек символи жойлашган. 1.10 листингда ушбу масала ечими ўз аксини топган: