Буюртмали калькуляция

Тўлов қуйидаги тартибда амалга оширилади:

Эксперт хулосаси. Шартнома бўйича ишни бажарилишига қараб буюртмачининг эксперти хулоса бериб туради. Бу хулоса ишнинг бажарилган қисмини буюртмачи томонидан тан олинганлигини билдириб, қисман тўлов учун асос бўлиб хизмат қилади.

Ушлаб туриладиган сумма. Шартномани бажариш жараёнида ижрочи эксперт хулосаларида кўрсатилган ва тасдиқланган суммаларнигина олади. Амалиётда буюртмачи томонидан «ушлаб туриладиган сумма» деган тушунча қўлланилади. Бу сумма ижрочи томонидан шартнома бўйича барча ишлар бажарилиб, камчиликлар тугатилгандан кейингина тўланиши мумкин.

Тўланмаган шартномалар буйича даромадни тан олиш

А) Амалиётда ушбу йўналиш бўйича даромадни тан олишнинг 2 усули қўлланилиши мумкин:

• Даромад шартнома бажарилгандан кейин тан олинади.
• Даромад иш бажарилишига мутаносиб равишда тан олиб борилади.

Б) Шартнома бўйича даромадни қисман тан олиб бориши жараёнида қуйидаги ҳолатга эътибор қилиниши лозим:

• Оралиқ даромадни тан олишдан аввал, муваффақиятли тугалланишга аниқ ишонч бўлиши лозим.
• Даромад бажарилган ишга нисбатан муносиб равишда тан олиши лозим.
• Шартнома бўйича юзага келиши мумкин бўлган ҳар қандай зарарларга нисбатан зудлик билан чора кўриб борилиши лозим.

Оралиқ даромадни ҳисоблаш жараёни

Тугалланмаган шартнома бўйича даромадни ҳисоблаш жараёни 5 босқичдан иборат:

1 – босқич. Шартноманинг умумий қийматини аниқланг (а).

2 – босқич. Шартномани бажариш пайтида юзага келиши мумкин бўлган жами харажатларни ҳисобланг (б).

3 – босқич. Шартнома бўйича олиниши кутилаётган дароматни аниқланг (а-б).

4 – босқич. Бажарилган ишга нисбатан тан олиши мумкин бўлган дароматни аниқланг, у қуйидаги формула орқали топилади.

5 – босқич. Тугалланмаган шартномага тегишли дароматни аниқланг. У мўлжалдаги даромаддан ўтган даврлар учун ҳисобланган ва тан олинган даромадлар суммасини айириб топилади