Буюртмали калькуляция

БУЮРТМАЛИ КАЛЬКУЛЯЦИЯ

А.А.Эрматов

Режа:

• Буюртмали калькуляция моҳияти
• Ҳақиқий ва нормал калькуляция

Буюртмали калькуляция моҳияти

Буюртмаларни таннархини калькуляция қилиш, махсус буюртма партияси ва шартноманинг таннархини аниқлашдир.

Бу усул асосан якка ва майда ишлаб чиқариш корхоналарида қўлланилади. Масалан махсус ускуналар, асбоблар, эҳтиёт қисмлар, кийим кечаклар ишлаб чиқариш корхоналари.

Агар ҳисобот даврининг охирига келиб буюртмани тугатишга эришилмаса, шу даврига келиб калькуляция карточкасида йиғилган харажатлар тугалланмаган ишлаб чиқариш қийматини беради.

Буюртма таннархини дастлаб қилинган ҳисоб-китоблар билан солиштириш режадаги (меъёрдаги) таннарх билан ҳақиқий таннарх ўртасида фарқни аниқлаш ва уларни юзага келтирган сабабларни ўрганиш имконини беради .

Калькуляция ва калькуляция жараёни

Калькуляция деб – хўжалик юритувчи субъектнинг фаолияти жараёнида ишлаб чиқараётган маҳсулот (иш ва хизмат)ларнинг барча ишлаб чиқариш жараёнларидан ўтиб товар ҳолатига келгунигача бўлган харажатларни ҳисоб китобига айтилади.

Калькуляция жараёнида қуйидаги тушунчалар қўлланилади:

а) харажатлар ҳисоби объекти.

б) калькуляция объекти.

в) калькуляция бирлиги.

Харажатлар ҳисоби объекти – бу уларни юзага келиш жойлари, турлари, бир турдаги маҳсулот гурухлари бўлиши мумкин.

Калькуляция объекти – бу белгиланган истеъмол қийматига эга бўлган маҳсулот тури, партияси ҳисобланади.

Калькуляция бирлиги – бу калькуляция объектининг ўлчов бирлиги ҳисобланади.

Буюртмали усулга хос саккиз хил бухгалтерия ёзуви

I. Мол етказиб берувчилардан асосий ва ёрдамчи материаллар олинди.

Дт Асосий.ва ердамчи материаллар

Кт Мол етказиб берувчилар.

II .Ишлаб чиқаришга асосий ва ёрдамчи материалар сарф қилинди.

Дт Асосий ишлаб чиқариш

Кт Асосий ва ёрдамчи материаллар