Buxoro davlat univеrsitеti filologiya fakultеti o`zbеk filologiyasi kafеdrasi qo`lyozma huquqida udk II bosqich magistranti qodirova nasima saidburxonovna

Tadqiqotda qo`llanilgan uslublarning qisqacha tavsifi. O`zbekiston Respublikasi Vazirlar Mahkamasi tomonidan ishlab chiqilgan Kadrlar tayyorlash Milliy dasturidagi ko`rsatmalar, O`zbekiston Respublikasi Prezidenti I.A.Karimovning milliy madaniyat va ma`naviyatni rivojlantirishga doir qarashlari, milliy mafkura ma`naviy qadriyatlarga doir nazariy asarlari tashkil etadi.
Ishning ilmiy-nazariy yo`nalishini belgilashda I.Sulton, H.Yoqubov, M.Qo`shjonov, O.Sharafiddinov, N.Karimov, I.G’afurov, B.Nazarov, A.Rasulov, O.Safarov, E.Ochilov, Sh.Axmedova, Q.Qahramonov kabi adabiyotshunos olimlarning asarlari metodologik asos bo`lib xizmat qildi.
Tadqiqot maqsadidan kelib chiqib, ishda analitik va qiyosiy-tipologik tahlil metodidan foydalanildi.
Tadqiqot natijalarining nazariy va amaliy ahamiyati. Ushbu tadqiqotning natijalari va xulosalari adabiyotshunoslikda tanqidiy–biografik metod namunalarini yaratish, alohida adabiyotshunoslar ijodini o`rganish va shu orqali adabiyot rivojida ularning rolini ko`rsatish, tadqiq etish tajribasiga samarali ulush bo`lib qo`shilishi shubhasiz. Shuningdek, yana ish xulosalaridan o`zbek adabiyotshunosligidagi etakchi olimlar haqida adabiy portret va esse namunalari yaratish muammolarini o`rganishda, o`zbek adabiyotshunoslari ijodiga kengroq baho berishda nazariy manba tarzida foydalanish mumkin.
Ishning amaliy ahamiyati shu bilan belgilanadiki, uning natijalari akadem litsey va kollejlarda o`zbek adabiyotshunoslari ijodini o`rganish bo`yicha ma`ruzalar o`qishda, amaliy mashg’ulotlar olib borishda, oliy o`quv yurtida adabiyotshunoslik bo`yicha adabiyotshunos olim mahorati muammolarini o`rganish, adabiyotshunos va tanqidchilar haqida adabiy portretlar yaratish mavzularida kurs ishlari, referatlar yozishda qo`l keladi.
Tadqiqotning ilmiy yangiligi. O`zbek adabiyotshunosligida o`z o`rniga ega, jonkuyar va faol olim Ibrohim Haqqulov ilmiy va ijodiy faoliyati ilk marta yaxlit holda tadqiq etilmoqda, uning mumtoz adabiyotga doir tadqiqotlari birinchi marta monografik tarzda yoritib baholanmoqda. Bu esa magistrlik ishimizning mustaqil jiddiy tadqiqot sifatidagi ilmiy yangiligini belgilaydi.