Bulardan tashqari, tovush o'zgarishlarining yana quyidagi ko’rinishlari mavjud

AL va KHK darsligidan:

Ravishlarning uslubiy xususiyatlari

Bugun, kecha, hozir singari so‘zlar qachon? so‘rog‘iga javob bo‘lib, harakatning bajarilish paytini, olisda, yaqinda, pastda singari so‘zlar qayerda? qayerdan? kabi so‘roqlarga javob bo‘lib, ish – harakatning bajarilish o‘rnini, sekin, tez, arang, zo‘rg‘a kabi so‘zlar qanday? so‘rog‘iga javob bo‘lib, harakatning qay tarzda bajarilishini, oz, ko‘p, ancha singari so‘zlar qancha? so‘rog‘iga javob bo‘lib, harakatning daraja – miqdorini, atay, qasddan singari so‘zlar harakatning maqsadini bildiradi.

Harakatning belgisini (payt, o‘rin, holat – tarz, miqdor, maqsad kabi belgilarni) bildirgan so‘z turkumiga ravish deyiladi.

T/r	Ravishlarning ma’no turlari	Ma’nosi va qoidasi	Sinonimik so‘rog‘i, vazifasi	Misollar
1.	Holat ravishi	Harakatning qay tarzda bajarilishini bildirgan ravishlarga holat ravishi deyiladi.	qanday? qanaqa?	qo‘qqisdan, bexosdan, sekin, tez(-da, -dan), yayov, piyoda, darhol kabilar
2.	Payt ravishi	Harakatning bajarilish paytini bildirgan ravishlarga payt ravishi deyiladi.	qachon? qachongacha? qachondan?	bugun, kecha, avval, hozir, doim, erta-indin, yaqinda kabilar
3.	O‘rin ravishi	Harakatning bajarilish o‘rnini bildirgan ravishlarga o‘rin ravishi deyiladi.	qayer? qayerda? qayerga?	oldinda, olisda, uzoqdan, yaqindan, yuqoriga, pastga
4.	Miqdor - daraja ravishi	Harakatning miqdor – darajasini bildirgan ravishlarga miqdor - daraja ravishi deyiladi.	qancha? qanchacha?	ancha, picha, sal – pal kabilar
5.	Maqsad ravishi	Harakatning bajarilish maqsadini bildirgan ravishlarga maqsad ravishi deyiladi.	nimaga? nahot? nega?	atay, ataylab, qasddan, o‘rtacha kabilar

Holat ravishlari tarkibiga kirgan qo‘qqisdan,to‘satdan, birdaniga, birdan singari ravishlar harakatning kutilmagan paytda tez yuzaga kelganini ifodalaydi.

To‘satdan ravishi ayrim shevalarda to‘sindan holida ham talaffuz qilinadi. Bunda u dialektal variant sanaladi.

Yoki yaqinda, uzoq ravishlari harakatning bajarilish payti yoki o‘rni ma’nolarini ifodalaydi.Yaqinda keldi-yaqinda joylashgan so‘zlaridagi yaqinda so‘zi ikkita mustaqil leksema sanaladi.

Ravishlar tub va yasama ravishlarga bo‘linadi.

Hech qanday yasovchi qo‘shimchalarsiz qo‘llaniladigan ravishlarga tub ravishlar deyiladi. Masalan, qo‘qqis, doim, birpas va boshq.