Bulardan tashqari, tovush o'zgarishlarining yana quyidagi ko’rinishlari mavjud

Sodda va qo‘shma kesimlar
Kesimlar tuzilishiga ko‘ra: sodda va murakkab (qo‘shma) kesimlarga bo‘linadi.
Faqat bir so‘z bilan ifodalangan kesimga sodda kesim, ikki va undan ortiq so‘z bilan ifodalangan kesimga esa murakkab (qo‘shma) kesim deyiladi. Masalan, qirlarda lolalar ochildi gapida ochildi sodda kesim, «Lolazor» romanini o ‘qib chiqdim gapida o‘qib chiqdim bo‘lagi qo‘shma kesim sanaladi.
Sodda va qo‘shma kesimlar ifodalanishiga ko‘ra sodda fe’l kesim va sodda ot kesim hamda qo‘shma fe’l kesim va qo‘shma ot kesimlarga bo‘linadi. Masalan, 1. Dugonam tashqariga ko‘z qirini tashladi. 2. Dadam kasalxonaning bosh shifokori hisoblanadi. Birinchi gapda ko‘z qirini tashladi bo‘lagi nima qildi? so‘rog‘iga javob bo‘lib, qo‘shma fe’l kesim, ikkinchi gapda esa kasalxonaning bosh shifokori hisoblanadi bo‘lagi kim hisoblanadi? so‘rog‘iga javob bo‘lib qo‘shma ot kesim vazifasini bajaradi.
Ega va kesimning moslashuvi
Ega kesim bilan grammatik va mazmun jihatidan bog‘langanligi uchun doimo kesimning shakliga mos shaklda turadi. Eganing kesim shakliga mos (shaxs-son) shaklda kelishiga moslashuv deyiladi.
Masalan, yuqorida keltirilgan talabaman kesimi birinchi shaxs birlikda turganligi uchun uning egasi ham birinchi shaxs birlikdagi olmosh bo‘ladi. Kesim bilan ega ba’zan son shakli bo‘yicha moslashmasligi mumkin. Xususan, ega narsa, hayvonlarni bildiruvchi so‘zlar bilan ifodalanganda: Masalan, qushlar sayraydilar emas, qushlar sayraydi, lekin shaxsda doimo moslik bo‘lishi shart.
Juda muhim. Kesim ot kesim bo‘lib, uning kesimlik shaklini ko‘rsatuvchi bog‘lamalar qo‘llanilmasa, u vaqtda kesim ohang yordamida shakllanadi.
Ot kesimning kesimlik shakllari maxsus ifodalanmay,ohang yordamida shakllanganda, bu tugallangan ohangni ifodalash uchun ega bilan kesim o‘rtasiga yozuvda tire qo‘yiladi.Masalan, Ro‘paradagi bino –maktab. Samarqand - azim shahar.