Bulardan tashqari, tovush o'zgarishlarining yana quyidagi ko’rinishlari mavjud

Nutq tovushlarining asosiy vazifasi so‘zlarning ma’nolarini farqlashdir.
AL va KHK darsligidan:
Unli fonemalar tasnifi
Unli tovushlar faqat un(ovoz)dan hosil bo‘ladi. Ular yangi alifboda 6 ta (a, o, u, o‘, i, e) harf bilan ifodalanadi.
Unlilarning bir guruhini (u,o‘,o) talaffuz qilganimzda lab oldinga qarab cho‘chchayadi, a, e, i tovushlarini talaffuz qilganimizda esa lab o‘z holicha qoladi. Demak, unlilarning bir guruhida lab ishtirok etadi, boshqalarida esa qatnashmaydi.
Bundan tashqari, a unlisini talaffuz etganimizda og‘iz katta ochiladi.Til gorizontal holda pastki jag‘ ustida yotadi. i,u unlilarini talaffuz etganimizda esa, og‘iz ozgina ochiladi, tilning o‘rtasi esa yuqori tanglayga qarab ko‘tariladi.
Unlilar ikki belgi asosida tasnif qilinadi:

Labning ishtirokiga ko‘ra		Og‘izning ochilish darajasi (tilning ko‘tarilishi darajasi) belgisiga ko‘ra
lablangan unlilar	lablanmagan unlilar	tor (yuqori tor) unlilar	o‘rta tor yoki o‘rta keng unlilar	keng (quyi keng) unlilar
u, o‘	e, a, i	u, i	e, o‘	a, o

Eslatma: o - oraliq holatdagi unli.