Бухоро давлат университети

МАВЗУ: Ялпизкабилар синфчаси таснифи, тарқалиши, биологияси, аҳамияти

1.Газакўтнамолар қабиласи. Рўяндошлар ва газакўтдошлар оилалари: тавсифи, вакиллари..

2.Итузумнамолар қабиласи. Итузумдошлар оиласи: тавсифи, вакиллари.
3.Печакнамолар қабиласи. Печакдошлар ва зарпечакдошлар оилалари: тавсифи, вакиллари.
4.Говзабоннамолар қабиласи. Говзабондошлар оиласи: тавсифи, вакиллари.
5.Сигирқуйруқнамолар қабиласи. Сигирқуйруқдошлар ва зуптурумдошлар оилалари: тавсифи, вакиллари.
6.Ялпизнамолар қабиласи. Тизимгулдошлар ва ялпиздошлар (лабгулдошлар) оилалари: тавсифи, вакиллари.


Ялпизкабилар (Lamiidae) синфча (аждодча)си
Бу кенжа синфча филогенетик жиҳатдан қадимти раъносимонларга яқин туради. Унга 11 қабила, 51 оила ва 2400 га якин туркумга мансуб 40000 тур киради. Гуллари зигоморф. Синфчага турлича хаётий шаклга эга ўсимликлар киради.
ГАЗАКЎТНАМОЛАР (GENTIANALES) ҚАБИЛАСИ
Бу қабила энг катта қабилалардан бўлиб, 13 та оила­ни ўз ичига олади.
Рўяндошлар (Rubiaceae) оиласи
Рўяндошлар оиласи Ер шарйдаги 500 та туркумга оид 7000 га яқин турни бирлаштиради. Ўзбекистонда 8 та тур­кумга мансуб 50 та тури ўсади. Оиланинг кўпчилик турлари тропик ҳудудларда ўсади. Оила турлари асосан дарахт ва буталардан иборат. Барглари қарама-қарши ёки доира бўлиб жойлашган. Гуллари актиноморф, икки жинсли, меваси кўсакча ёки резавор мева. Оила вакиллари орасида араб кофеси (Coffea arabica), хин дарахти (Cinchona ledgeriana) каби фойдали турлар бор. Жанубий Америкада ёввойи ҳолда ўсадиган Хин дарахти пўстлоғида хинин алколоиди бор. Бу алколоид безгакка қарши энг яхши натижа берувчн дори ҳисобланади. Бу дарахт Индонезия, Шри Ланка ва Ҳиндистонда экилади. Марказий Осиёда рўян (Rubia tinctorum) кенг тарқалган бўлиб, унинг илдизидан ализарин буёғи олинади ва ундан яна буйракдаги тошни парчаловчи восита сифатида фойдаланилади.
Кендирдошлар (Аросуnaсеае) оиласи
Оила 300 та туркумга мансуб 1500 дан ортиқ турларни уз ичига олади. Улар асосан иссиқ минтакдарда тарқалган. Ҳаётий шаклига кўра оилада ёғочланган лианалар устунлик қилади. Ўзбекистонда битта туркумга мансуб 3 та тури усади. Барглари бутун, асосан қарама-қарши жойлашган. Уларга хос муҳим белги сут ширасининг бўлишидир. Гулла­ри икки жинсли, деярли актиноморф, гулқўргони мурак­каб, бўлаклари 5 тадан. Гултожи найсимон. Меваси асосан 2 та баргакдан иборат. оиланинг строфант (Strophantus), рауволфия (Rauwolfia) туркумларининг вакилларидан қимматбаҳо дори олинади. Cynanchum sibiricum Willd. Trachomitum lancifolium (Russanov) Pobed.