Бухоро давлат университети

Раънонамолар (Rosales) қабиласи
Бу қабила 3 та оилани бирлаштиради. Булардан энг кенг тарқалгани ва таксонларга бойи раънодошлар.
Раънодошлар (Rosaсеае) оиласи
Оила 100та туркумга маансуб 3000 дан ортиқ турларни бирлаштиради. Ўзбекистонда 11 туркумга оид 96 тури ўсади. Улар Ер юзида жуда кенг тарқалган дарахт, бута лиана ва ўт ўсимликлардан иборат. Кўпчилик турларида гуллари актиноморф,икки жинсли,айрим турларида зигоморф, чангчилари гулкоса ва гултожи баргларига тенг, косача ва гултож барглари 5 тадан бўлиб, жойлашади. Урғочиси кўп ёки бита.Мевалари турлича: резавор, сохта мева, баргак, ёнғоқ ва б. Раънодошлар оиласи 6 та оилачага бўлинади. Булар: тобулғидошлар, раънодошлар, олмадошлар, олхўридошлар ва б.
Тобулғидошлар оилачаси
Оилача вакиллари асосан буталардан иборат. Барглари оддий ёки мураккаб. Гулкосача ва гултожбарглари бештадан, чангчилари чексиз, уруғчиси 5 та мевачи баргнинг қўшилиб ўсишидан ташкил топган. Тобулғилар тоғларда кенг тарқалган. Манзарали ва асал-ширали ўсимлик сифатида катта аҳамиятга эга. Ўзбекистонда 5 та тури ўсади.
Раънодошлар оилачаси
Бу оилачага ўт ва буталар киради. Барглари мураккаб патсимон,ён баргчали. Гули актиноморф. Ўзбекистонда мазкур оилачанинг бир неча ёввойи ва маданий турлари ўсади. Табиий ҳолда маймунжон туркумининг 2 тури, экма шароитда қулупнай туркумининг 1 тьа тури ва табиатда наъматакнинг 10 дан ортиқтури ўсади.
Олмадошлар оилачаси
Оила вакиллари олдинги икки оилачадан гули ва мевасининг тузилиши билан фарқ қилади. Буларнинг барги оддий, навбат билан жойлашади. Хаётий шаклига кўра дарахт ва буталардан иборат. Гулкосача ва гултож барглари 5 тадан. Чангчилари чексиз, уругчиси 5 та мевачи бар-гдан ташкил топган, баъ­зан 2 та мевачи баргдан иборат бўлади. Тугунчаси остки, меваси сохта олма. Ўзбекистонда олманинг битта ёввойи тури (Malus sieversii) ўсади ва куплаб маданий навлари экилади .
Олхўридошлар оилачаси
Меваси чин мева. Ҳаётий шаклига кўра дарахт ва буталардан иборат. Гулкосача ва гултожбарглари 5 тадан, чан­гчилари 10 тадан 20 тагача етади. Уругчиси 1 та, уруғи данакча. Бодом (Amygdalus), Ўрик (Armeniaka), Шафтоли (Persica), Олча (Primus) туркумлари шу оилачага киради.