Бухоро давлат университети

Сутламадошлар (Euphorbiaсеае) оиласи
Бу оилага бир уйли баъзан икки уйли дарахт, бута ва ўт ўсимликлар киради. Кўпчилик вакилларида сут шираси бўлади. Барглари оддий ва мураккаб, кетма-кет ёки қарама-қарши жойлашган. Гуллари бир жинсли, кўримсиз тўпгулли соябонсимон, рўваксимон ёки бошоқсимон. Гулқўрғони оддий ёки қўш гулқўрғонли. Меваси кўсакча. Бу оилага 300 туркум, 7500 тур киради. Ўзбекистонда 5 туркумга мансуб 48 та тури ўсади. Оиланинг энг йирик туркумларидан бири сутлама.
Сутлама (Euphorbia helioscopia) бир йиллик бегона ўт. Унинг сут шираси захарли. Ихрож (Euphorbia seravshanica) илдиз пояси сурги сифатида ишлатилади. Ўта захарли ўсимлик. Бразилия ҳевеясининг сут ширасидан каучук олинади. Жанубий Америкада бу ўсимлик маданий ўсимлик сифатида экилади. Осиё тропикларида Monihot esculenta тугунагидан крахмал олинади. Ундан картошка ўрнида фойдаланилади. Хитой тунгаси (мой дарахти) донидан техника мойи олинади. Ундан саноатда фойдаланилади. Канакунжут Ўзбекистонда бир йиллик ўсимлик сифатида экилади. Ундан муҳим техника мойи тайёрланади.


Мавзу: Раънокабилар синфчаси таснифи, тарқалиши, биологияси ва аҳамияти
Режа:
1. Раънонамолар қабиласи. Раънодошлар оиласи: тавсифи, вакиллари.
2. Миртанамолар қабиласи. Дербендошлар, анордошлар, миртадошлар оилалари: тавсифи ва асосий вакиллари.
3. Бурчоқнамолар қабиласи. Бурчоқошлар оиласи: тавсифи, вакиллари.
4. Сапинднамолар қабиласи. Сапиндошлар ва зарангдошлар оилалари. Умумий тавсифи, ўзига хос хусусиятлари ва вакиллари.
5. Тошбақатолнамолар қабиласи. Тошбақатолдош, исириқдош ва пистадошлар оилалари: тавсифи, вакиллари.
6. Ёронгулнамолар қабиласи. Ёронгулдошлар ва қонтепардошлар оилалари: тавсифи, вакиллари.
7. Чилонжийданамолар қабиласи. Чилонжийдадошлар оиласи: тавсифи, вакиллари.
8. Жийданамолар қабиласи. Жийдадошлар оиласи: тавсифи, вакиллари.
9. Аралиянамолар қабиласи. Аралиядошлар ва зирадошлар оилалари: тавсифи, вакиллари.
Раънокабилар (Rosidae) синфчаси
Бу синфча вакилалари филогинетак жиҳатдан диллениякабилар синфчаси яқин туради. Раънокабилар синфчаси 40 та қабила, 60 та оила, 2800 туркумга мансуб 5500 турни ўз ичига олади. Бу синфча диллиниякабилар синфчаси сингари магнолиясимон синфининг асосини ташкил етади. Бу иккала синфча қадимги магнолиякабилардан келиб чиққан деган фикрлар мавжуд.