Бухоро давлат университети

Ёнғоқдошлар (Juglandaceae) оиласи
Оила 7 та туркумга мансуб 60 та турни бирлаштиради. Асосан Евросиё ва Америкада тарқалган. Гулларни айрим жинсли, чангчилари кучаласимон тўпгулда жойлашган. Уруғчиси иккита мевачи баргнинг қўшилиб ўсишидан ҳосил бўлган.Тугунчаси остки, меваси-ёнғоқ мева. Барглари тоқ патсимон мураккаб, эфир мойли безчалардан иборат.
Ўзбекистонда оддий ёнғоқ (Juglans regia) ўсади. У Пском, Угам, Чотқол, Хисор тизимларида кенг тарқалган. Ёнғоқлар давр реликти ҳисобланади. Бир вақтлар кенг ареалга эга бўлиб, кейинчалик қисқариб кетган. Ёнғоқнинг ёғочидан қимматбахо буюмлар тайёрланади. Мевасидан халқ табобатида ва илмий тиббиётда турли хил касалликларни даволашда фойдаланилади. Меваси мағзида 75 фоиз ёғ, пўстида ошловчи моддалар сақлайди.
Диллениякабилар (Dillenidae) синфчаcи
Синфча (аждодча) энг катта синфчалардан бири бўлиб, келиб чиқиши жиҳатдан магнолиянамоларга яқин туради. Бу синфча 31 та қабила,7 та оила, 1910 тага яқин туркум ва 36000 та атрофида тур киради.
Далачойдошлар (Hypericaceae) оиласи
Бу оилага 9 туркум, 400 дан ортиқ тур киради. Оила вакиллари асосан тропик ва субтропик худудларда кенг тарқалган. Ўзбекистонда 3 тури ўсади. Бу оила ичида энг муҳими далачой ҳисобланади.Ўрта Осиёда 2 тури (Hyperium perforatum, H. Scabrum) кенг тарқалган. Барглари оддий, наштарсимон, қарама-қарши жойлашган. Гуллари икки жинсли, актиноморф, гулкосача барги бешта қўшилиб ўсган. Гултожибарги 5 та эркин жойлашган. Чангчилари чексиз, уруғчиси 3 та, мевачи баргнинг қўшилиб ўсишидан ҳосил бўлган. Меваси кўсакча. Далачойнинг барча турлари ҳам дориворлик хусусиятига эга.
Хурмонамолар қабиласи
Қабила филогинетик жиҳатдан чойнамоларга яқин туради. Қабилага асосан дарахт ва буталар киради. Барглари кетма-кет баъзан қарама-қарши жойлашган. Гуллари кетма-кет баъзан қарама-қарши жойлашган. Гуллари икки жинсли, баъзан бир жинсли актиноморф, чангчиларига қўшилиб ўсади. Меваси ширали, резаворсимон. Ўзбекистонда қабиланинг битта хурмодошлар оилага мансуб бир тури хурмо табиий ҳолда ўсади. Республикамизда хўрмонинг жуда кўп навлари экилади.