«Дарахт» тести

^{«ДАРАХТ» ПРОЕКТИВ ГРАФИК ТЕСТИ.
«Дарахт» проектив график тести психологик диагностика амалиётида тахминан XIX асрдан бошлаб қўллана бошланган. Биринчи бор тадқиқотда дарахт расми орқали инсон индивидуаллигини ўрганиш мақсадида швейцариялик мутахассис Э.Жюккерт қўллаган. У дарахт расми тасвири остида инсоннинг хаётий муаммолари ётганини пайқади. Шундан сўнг 1934 йилда Ж. Шлибе 4 ёшдан 18 ёшгача бўлган 478 та синалувчи томонидан чизилган 4519 та дарахт расми коллекциясини тўплади. Унинг кўрсатмаларига мувофиқ синалувчилар бирин кетинликда «оддий дарахт», «ўлик дарахт», «совуққотган», «бахтли», «қўрққан», «хафа», «халок бўлаётган» дарахтлар расмини чизиши керак бўлган.
Ана шу даврдаёқ бундай расмларнинг бир неча характерли хусусиятлари махлум бўлган: «совуққотган» дарахт жуда кичкина, «ўлик» дарахт – горизонтал холатда, «бахтли» дарахт – жуда катта юқорига интилувчи шохлари билан тасвирланган.
Биринчи расмда – «оддий дарахт»да – Ж. Шлибе фикрича, кишининг шахсий сифатлари намоён бўлади, бироқ бошқа расмларда хам индивидуал тафовутларни пайқаш мумкин.
Яна бир қизиқ тадқиқотлардан бири француз олими Рене Стор томонидан талқин қилинган «дарахт» тестидир. Дарахт расмини чизиш биринчи навбатда унинг схемасини эсга олишдан иборат. Шунга кўра, расмларни классификациялаш схема бўйича олиб борилади: «мотор схема», «эстетик ёки эмоционал». Абстракцияга (мавхумликка) мойил синалувчилар схема бўйича чизадилар; тасаввури кучли синалувчилар эса схемага ёрқин шахсий мазмун киритадилар.
Психодиагностика адабиётларида эркин дарахт расмини анализ қилишнинг турли диагностикаларини учратиш мумкин.
Ушбу китоб муаллифлари мавжуд адабиётларни кенг кўламда анализ қилиш орқали «Дарахт» тестини ўзига хос вариантини яратишга мувофиқ бўлдилар. Ушбу вариант эмперик атробациядан (қайта ишлашдан) ўтган бўлиб, унинг асосини эмперик тадқиқотлар билан бирга сухбат, кузатув ва экспертларнинг сўровлари орқали олинган маoлумотлар ташкил этади.}