Бухоро давлат университети жисмоний маданият факультети

 
 
ОИЛАДА ЖИСМОНИЙ ТАРБИЯ ВА СПОРТНИ РИВОЖЛАНТИРИШДА ХОТИН – 
ҚИЗЛАРНИНГ ЎРНИ 
Сафарова М.С., ассистент, Пулатова Ш.К., ассистент, 
Бухоро давлат тиббиёт институти, Бухоро ш. 
 
Ўзбек аёлларининг бошқалардан асло кам эмасликларини исботлаб, салоҳиятию имкониятларини 
тобора кенгайтираётгани мамлакатимизда хотин-қизларга кўрсатилаётган катта эътибор ва 
ғамхўрликнинг ёрқин самарасидир.
Спортга меҳр қўйган қизлар соғлом, руҳан тетик, иродаси мустаҳкам, келажакда ҳаётнинг турли 
синовларини енгиб ўтишга қодир бўлиб вояга етади. Қизларнинг спорт билан шуғулланиши нафақат 
саломатлигида, айни пайтда қадди-қомати тўғри шаклланишида, маънавий камолотида муҳим аҳамият 
касб этмоқда. Маълумки, ҳар қандай бино пойдеворидан бошланади. Қурилажак уйнинг пойдевори 
қанчалик мустаҳкам бўлса, ундан шунчалик узоқ муддат фойдаланиш мумкин бўлади. 
Мамлакатимизда хотин-қизларни ҳар томонлама қўллаб-қувватлаш, уларга ғамхўрлик кўрсатиш, 
ижтимоий-ҳуқуқий жиҳатдан кўмак бериш, жисмоний, маънавий ва интеллектуал салоҳиятини 
юксалтириш, қиз болаларни замонавий касб-ҳунарларга йўналтириш, уларни спортга кенг жалб этиш, 
соғлом оилани шакллантириш давлат сиёсати даражасига кўтарилган. Биринчи президентимиз Ислом 
Каримов ташаббуси билан 1999 йил 10 июнда Зулфия номидаги Давлат мукофотининг таъсис этилгани 
истеъдодли қизлар сафини кенгайтириш, уларни ҳар жиҳатдан қўллаб-қувватлаш, аъло ўқиши, 
интилиши, ижодий салоҳияти билан кўпчиликка ўрнак бўлаётган қизлар фаолиятини кенг 
жамоатчиликка таништиришда муҳим аҳамият касб этмоқда. 

---

“ХОТИН-ҚИЗЛАР СПОРТИ: ИМКОНИЯТЛАР ВА ИСТИҚБОЛЛАР” 
29 
Фарзандининг соғлом бўлиб улғайиши ҳар бир ота-онанинг мақсади. Бу жараёнда болаларни 
ёшлигидан спортга ошно этиб тарбиялаш улар учун муҳим аҳамиятга эга. Мамлакатимизда спортнинг 
қиз – аёлларга мос турларини жадал ривожлантиришга қаратилаётган алоҳида эътибор самарасида 
бадиий гимнастика тобора оммалашмоқда. Бадиий гимнастикада жисмоний тарбия, спорт, мусиқа каби 
фарзанд тарбиясида муҳим аҳамият касб этадиган воситалар мужассам. Ушбу спорт тури қизларни 
эпчил ва нозик ҳаракат қилишга, қатъий кун тартибига, овқатланиш маданиятига ўргатади. Ўзига 
бўлган ишончни мустаҳкамлаш, қомат гўзаллигини таъминлашга хизмат қилади. Бу имкониятдан 
самарали фойдаланиб, ўз малака ва маҳоратини ошираётган қиз – аёллар турли нуфузли мусобақаларда 
юқори натижаларга эришмоқда. Ҳар бир мусобақа олдидан Биринчи Президентимиз Ислом 
Каримовнинг “Биз ҳеч кимдан кам эмасмиз ва ҳеч қачон кам бўлмаймиз!”, деган сўзларини қиз – 
аёлларимиз қайта-қайта такрорлайди. Бу кучларга куч қўшиб, янги ғалабалар сари ундайди. 
Бухоро вилоятида қизлар орасида спорт билан шуғулланувчилар сони бир неча баробар ортди. 6 
– 15 ёшдаги ўқувчилар ичида айнан спортга ошно тутинган қиз болалар 57 фоизга етгани ҳам бежиз 
эмас. Албатта, яратилган барча шарт – шароитларга жавобан спортчи қизларимиз мамлакат ва ҳалқаро 
миқёсдаги мусобақаларда муносиб қатнашмоқдалар. Универсиада ғолибларининг, Олимпиада ва 
Паралимпия ўйинлари совриндори бўлган вакилларимизнинг салмоқли қисмини бухороликлар ташкил 
этиши ҳам фикримизни тасдиқлайди. Лекин энг муҳими, фарзандларимиз, минглаб ёшларимиз айнан 
спорт сабаб саломатликларини мустаҳкамлашяпти.
Хулоса қилиб айтганда, ёшлигидан спорт билан шуғулланган, унга ихлос қўйган қиз – аёллар 
келажакда соғлом оила асосига пойдевор қўйиб, фарзандларини спортга меҳр қўйган, соғлом ва 
ватанпарварлик руҳида тарбиялашига ишонамиз.