Бухоро- 2022 Ўзбекистон республикаси олий ва ўрта махсус таълим вазирлиги бухоро давлат университети

Адсорбцион- аралашмадаги компоненларнинг адсорбент билан таъсир-ланиши бир хил бўлмаслигига асосланган;
Тақсимланиш- компоненларнинг ҳаракатчан ва қўзғалмас фазаларида турлича тарқалишига асосланган;
Ион алмашиниши- компоненларнинг ион алмашиниш хоссалари бўича фарқланишига асосланган;
Сингиш – молекулалар шакли, ўлчамлари ҳамда ҳар хил зарядлан-ганликларига асосланган.
Қўзғалмас фаза кучли бўкадиган гел бўлганда бу усул «гелхроматография» деб юритилади.
Қўзғалмас ва ҳарактчан фазаларнинг агрегат ҳолатларига қараб, «Газ хроматография» (газ-суюқлик, газ- қаттиқ модда), «Суюқлик хроматография» (суюқлик-суюқлик, суюқлик-қаттиқ модда, суюқлик-гел) турларига бўлинишини ҳам кўрсатиб ўтмоқ керак.
Газ хроматография усулидан асосан енгил учувчан ва термик анча чидамли моддаларни бир-биридан ажратишда фойдаланилади. Суюқлик хроматографияси эса, органик ва анорганик моддаларни бир-биридан ажратиб таҳлил ва тадқиқ қилинишида қўлланилади. Қуйида, амалда кенг ишлатиладиган хроматография усуллар тури бўёича батафсил илмий-амалий маълумотлар берилади.
7.2. Адсорбцион хроматография
Ҳаракатчан фаза сифатида газ ёки суюқлик модда ишлатилишига қараб, адсорбцион хроматография усулларини газ ва суюқлик турларига бўлинади. Даставвал, суюқлик адсорбцион хроматография усули хусусида маълумот берамиз.
Суюқлик адсорбцион хроматографияда текширилаётган аралашма эритмасини қўзғалмас фазо сифатида муайян сорбент билан тўйғазилган колонка (устун) орқали ўтказилади. Эритмадаги аралашма компонентлар сорбентда турлича адсорбцияланиши туфайли, бутун устун бўйичи тақсимланади. Энг юқори қисмида одатда яхши адсорбцияланувчи (фаол таъсирланувчи) компонент, пастки қисмида эса энг кам адсорбцияланувчи компанент тўпланади. Бироқ устун бўйича барча адсорбцияланган компанентлар ўртасида аниқ чегара сирт бўлмайди.
Эритмадаги компанентларни тўла-тўкис бир-бирларидан ажратишга эришиш мақсадида сорбент тўлғазилган колонка (устунни) узлуксиз эритувчи билан ювиб туриш зарур. Колонка орқали доим эритувчи ўтиб туриши натижасида текширилаётган аралашма компанентлари нисбатан осон бир-биридан ажратиб олиниб, уларнинг ҳар бирини таркибини аниқлаш мумкин бўлади.
Аралашмани ҳосил қилувчи компанентларнинг адсорбцияланиш даражлари бир-бирларига жуда яқин (кам фарқланувчи) ёки элюент эритувчининг десорбцияланиш қобилияти паст бўлса, уларнинг ўзаро ажралиши анча қийин бўлади. Ана шундай ҳолатларда сорбентни алмаштириш ёки моддани, десорбция қобилияти ошиб боручи эритувчилар қатори билан кетма-кет ювиш мақсадга мувофиқ бўлади. Хусусан, шу йўл билан аралашмани ташкил этган барча компонентлар бирин-кетин колонкадан ювилиб чиқади.
Ўз ўрнида, таъкидлаш жоизки, қутбли адсорбентлар билан ишлаган пайтда десорбциялаш қобилияти камайиб (пасайиб) борадиган эритувчилар қатори («Элюотроп қатор» дейилади) ни қўллаш зарур бўлади, эритувчиларнинг элюотроп қатори 4-жадвалга келтирилган. Кўпинча, эритувчиларнинг десорбциялаш қобилияти уларнинг диэлектрик киритувчичанлиги билан боғлиқ.
4-жадвал
Эритувчиларнинг элюотроп қатори

Эритучилар	Диэлектрик киритувчилар	Эритувчилар	Диэлектрик эритувчанлик
Сув….	81	Этил эфири…	4,4
Метил спирти..	31,2	Трихлорэтан..	3.4
Этил спирти..	25,8	Бензол..	2,3
Ацетон …	21,5	Толуол..	2,3
Дихлоэтан ….	10,4	Тўртхлорли карбон..	2,2
Этилацетат..	6,1	Циклогексан..	2,0
Хлороформ..	5,2	Петрол эфир..	1,9

Ишлатиладиган эритувчиларнинг десорбциялаш қобилияти ортиб боришига боғлиқ ҳолда қутбсиз молекулали абсорбентлардан фойдала-нилади. Кўпинча адсорбент сифатида алюмини оксиди, активланган кўмир, силикагел, о-оксихинолин ва бошқалар қўлланилади. адсорбентлар сифатида ва самарали ишлаши юқори даражада бўлиши авваломбор, уларнинг бир жинсли, таҳлил қилинаётган модда билан кимёвий таъсирлашмаганлиги, каталитик хусусиятга эга бўлмаслиги ва ҳоказолар муҳим ўрин тутади.

Эритувчиларга эса қуйидагича талаблар қуйилади: жумладан, аралашмадаги ҳамма компонентларни бир хил даражада яхши эритиши, ўрганилаётган модда билан ҳам адсорбент билан ҳам кимёвий таъсирлашмаганлиги, амалда ишлайдиган адсорбент интенсивлиги ва бошқа кўрсаткичлари таъкидлаш мумкин.
Адсорбцион суюклик хромотография усули органик бирикмалар ва анорганик моддалар эса катионларни бир-биридан ажратиш учун кенг миқёсда қўлланилади. мисол учун, кўрсатиб ўтиш мумкинки, агар 3- гуруҳ катионлар аралашмасини турли хил сорбентлар бўлган колонкалардан ўтказилганда, адсорцияланиш хоссасига қараб, улар қуйидаги қаторда жойлашади:
Алюминий оксиди (сорбент)да: Fe³⁺, Cr⁺³>Al⁺³>Zn⁺²>Co⁺²>Ni⁺²>Mn⁺²
о-Оксихонолинда: VО₂⁺²> WO₂⁺²> Cu⁺²> Bi⁺³>Co⁺²>Zn⁺²>Fe⁺³
Агар хроматография колонкада темир кобалт никел, хром ионлари бўлса, уларнинг рангли излари орқали ҳам аниқлаш мумкин. Al⁺³, Zn⁺² каби ионлари ажратганда рангсиз зоналар мавжуд бўлса, албатта, ионларни очувчи реагент (проявител) ишланиб, таҳлилни ўтказишга тўғри келади. Масалан, рух (Zn⁺²) ионлари очувчи реагент (NH₄)[Hg(NCS)₄] эритмасини колонкадан ўтказиб топилади. Бунда абсорбцияланган Zn⁺² ионлар тўқ ҳаворанг зонани пайдо қилади. Очилтирувчи реагент сифатида аммиак эритмаси ва бошқа бирикмалардан ҳам фойдаланиш мумкин.
Органик моддаларни хроматографик аниқлашда очилтиргич реагенти сифатида петрол эфири, бензол, нингидрин ва бошқалар ишлатида. Мисол сифатида цетен, холестерин стеарати ва олеин кислота аралашмасини хроматография усули билан ажратиб таҳлил қилишни кўрамиз. Мазкур аралашмани адсорбент силикагел бўлган колонкадан ўтказишда петрол эфири (қ1,9) билан ювилса, цетен элюатга (эритувчи) га ўтади, трихлорэтан (қ3,4) билан ювилса – элюат холестерин стеарати ва ниҳоят этил эфир ( қ4,4) билан ювилганда элюатга олеин кислотаси ўтишлилигини амалда кузатиш мумкин. Демак, шу тарзда кўрсатилган органик моддалар бир-биридан ажратиладаи ва уларнинг миқдорини бошқа физик-кимёвий усуллар ёрдамида тахлил қилинади. 5-жадвалда органик моддаларнинг адсорбцион хроматография усули билан анализ ишлари олиб борилганда қўлланиладиганқўлланиладиган эритувчи ва адсорбентлар бўйича маълумотлар берилган.
5 – Жадвал
Айрим органик моддаларни адсорбцион хроматография усули
билан анализ қилишда ишлатиладиган адсорбент
ва эритувчи (элюент) лар.

Органик моддалар	Эритувчи элюент	Адсорбент
Алколоидлар	Сув, бензол, ацетон, фенол, этил спирти	Алюминий оксиди, сликагел
Амид ва аминлар	Петрол эфири, бензол, тўртхлор карбондиэтил эфири.	Силикагел, алюминий оксиди.
Аминокислоталар	Сув метил спирти, фенол, хлороформ	Титан (II) –оксил, рух карбонати, крахмал
Витаминлар	Бензол, петрол эфири, бензин, этилацетат, сув.	Калий гидроксид, магний оксид, рух карбонати
Карбон сувлар	Сув, изопропил спирти, этил спирти, бутил спирти, диоксан бензолю	Боксит, активланган кўмир, силикагел, алюминий оксиди.

Адсорбцион хроматография усули газлар аралашмасини ажратиш ва таҳлил этганда ҳам кенг фойдаланилади. Газ хроматографиясида адсорбент сифатида қайнаш температураси юкори бўлган суюқликлар (бирор бир қаттиқ асосга шимдириб), қаттиқ ҳолдаги адсорбентлар: кўмир, цеолит, ғоваксимон тузилишли силикагел, алкомогел ва ҳоказолар ишлатилади. хроматографик колонка сифатида спирал куринишда уралган метал трубка (узунлиги бир неча метрга тенг) ларда фойдаланилади.

Анализ қилинадиган газ ёки (газлар аралашмаси) игнали шприц ёрдамида колонкага киритилади ва газ – ташувчи ёрдамида ювилади. Газ-ташувчи сифатида инерт газлар, водород, карбон II оксиди ва бошқалар қўлланилиши мумкин.
Газ-ташувчи ўтиши натижасида адсорбентга ютилган газлар, сорбция даражасига боғлиқ ҳолда, десорбцияланади (ажралади) ва колонкадан бирин кетин (алохида-алохида) чикади. Газларнинг десорбцияланиши колонка температурасини ошириб ҳам тезлаштириши мумкин. Ажралиб чиқадиган газлар детектор-анализатор орқали ўтади, албатта. Детектор хроматограф асбобининг энг муҳим қисмларидан ҳисобланиб, газ таркиби ўзгаришини электр сигналлар билан ифодалайдиган элементдир. 20 – расмда хроматографияси усули воситасининг схемаси кўрсатилган.



20 расм. Газ хроматографиясининг принципиал схемаси: 1 форсунка; 2 – буғлатгич; 3 – қиздириш камераси; 4 – колонка; 5 – детектор-анализатор (қабул қилиш мосламаси); 6 – кучайтиргич; 7 –ўзи ёзувчи (осцилограф) мосламаси.

Таъкидлаш зарурки, деярли барча детекторларнинг ишлаш принципи газ аралашмаси компонентлари ва газ ташувчи (восита) орасидаги иссиклиқ ўтказишдаги фарқига ёки газлар ионланганда улар ионларининг электр ўтказувчанлиги фарқига асосланган. Мазкур иккала кўрсаткичнинг ўзгариши газ-ташувчи ёрдамида детекторга етиб келган газ компонентларининг концентрацияси (миқдори) га албатта боғлиқ бўлади.

Модданинг хроматография колонкасига киритилган ва асосий қисми колонкадан чиқиш вақти оралиғи – «ушланиш вақти» деб юритилади. Мазкур катталик турғун температурада ҳар қандай модда учун доимий кўрсатгич ҳисобланиб, хроматографик натижалар (хроматограмма)даги максимум (пик) ларни идентификациялашда жуда қўл келади. (расм – 21).