Бухгалтерия ҳисоби фани бўйича маъруза матни 3-мавзу

«Корхона» қаторида корхонанинг тўлиқ номи ва КТУТ бўйича коди кўрсатилади.
«Таркибий бўлинма» устунида асосий воситалар чиқиб кетаётган таркибий бўлинманинг номи ёки код рақами келтирилади. Агар ундан корхона фаолиятида умумий ҳолда фойдаланилган бўлса мазкур устун тўлдирилмайди ва чизиқча қўйилади.
«Тузиш санаси» устунида кўрсатиладиган тузиш санаси асосий воситаларни чиқиб кетиш санасига тўғри келиши керак. Чунки «Бухгалтерия ҳисоби тўғрисида» ги Ўзбекистон Республикаси Қонунининг 14-моддасига мувофиқ бошланғич ҳужжатларни операциялар амалга оширилган санада тузилиши лозим. Мазкур реквизитлар ҳужжатнинг номида ёки ҳужжатнинг ўзида кўрсатилган хўжалик операциялари амалга оширилган аниқ санани аниқлаш имкониятини беради. Санани араб рақамлари билан қуйидагича расмийлаштирилади: биринчи навбатда иккита жуфт рақамлар билан ифодаланган сана ва ой, кейин тўрта рақам билан йил кўрсатилади. Хусусан 1 май 2021 йил санаси қуйидаги шаклда ёзилади: 01.05.2021 й.
«Операция турининг коди» устуни ва «Асосий воситани сақлаш масъул шахснинг коди» устуни агар корхона тегишли кодлаш тизимидан фойдалансагина тўлдирилади. Мазкур устунларда тегишли равишда асосий воситаларни чиқиб кетиш операциясининг коди ва асосий воситаларининг сақланишига масъул шахснинг коди кўрсатилади.
«Асосий воситанинг номи» устунида чиқиб кетаётан асосий воситанинг тўлиқ номи келтирилади.
«Бошланғич (қайта тиклаш) қиймати» устунида:
- қайт баҳоланмаган чиқиб кетаётган асосий воситалар бўйича – бухгалтерия ҳисобига қабул қилинган санадаги бошланғич қиймат;
- қайт баҳоланган чиқиб кетаётган асосий воситалар бўйича – охирги қайта баҳолаш натижасига асосан қайта тиклаш қиймат кўрсатилади.
«Жамғарилган эскирин суммаси» устунида бухгалтерия ҳисби маълумотлари бўйича фойдаланиш давридаги жамғарилган эскириш суммаси кўрсатилади.
«Ишлаб чиқарилган (қурилган) йили» устунида ишлаб чиқарувчи ёки мулкдор томонидан ишлаб чиқарилган йили кўрсатилади. Бинолар ва иншоотлар бўйича эса қурилиб ишга туширилган йили кўрсатилади.