Бухгалтерия ҳисоби фани бўйича маъруза матни 3-мавзу

Дастгоҳ бўйича ойлик амортизация ажратмалари жадвали

Амортизация ажратмалари даврлари	Амортизациянинг йиллик суммаси	Амортизациянинг ойлик суммаси
1-йил	102 000 000	8 500 000 (102 000 000 / 12)
2-йил	61 200 000	5 100 000 (61 200 000 / 12)
3-йил	36 720 000	3 060 000 (36 720 000 / 12)
4-йил	22 032 000	1 836 000 (22 032 000 / 12)
5-йил	18 048 000	1 504 000 (18 048 000 / 12)

Мазкур усулда амортизация ҳисоблаш амалга оширилганда асосий воситадан фойдаланишнинг охирги йилида амортизациянинг йиллик суммасини ҳисобламаслик, балки қолдиқ қийматидан кутилаётган тугатиш қийматини чиқариб ташлангандан кейинги суммани 12 ой давомида тенг маромда тўлиқ ҳисобдан чиқариш мақсадга мувофиқ. Чунки асосий воситадан фойдаланишнинг охирги йилида йил бошига қолдиқ қийматидан йиллик амортизация меъёри (мазкур мисолда 40 фоиз) ни ҳисобга олган ҳолда аниқланган йиллик амортизация ажратмаси суммаси, олдинги йилларда жамғарилган амортизация суммаси билан амортизацияланадиган қиймат ўртасидаги суммадан кам бўлади ва натижада асосий воситани фойдаланиш охирида қолдиқ қиймати (кутилаётган тугатиш қийматини чиқариб ташланганда) нолга тенг бўлмайди.