Бухгалтерия ҳисоби фани бўйича маъруза матни 3-мавзу

Хўжалик юритувчи субъект ҳақидаги иқтисодий ахборот истеъмолчиларининг асосий гуруҳига тавсиф.
1-жадвал

Шерикчилик гуруҳи	Корхона фаолиятига ҳиссаси	Манфаат	Таҳлил объекти
Ички истеъмолчилар
Маъмурият	Корхонани бошқариш ва ишни билиш	Меҳнатга ҳақ тўлаш ва мукофотлаш	Бошқарув учун барча фойдали ахборот
Таъсис этувчилар	Хусусий капитал	Дивиденд	Молиявий натижалар ва молиявий аҳвол
Корхона ходимлари	Меҳнат тақсимотига мувофиқ ишларни бажариш	Меҳнатга ҳақ тўлаш ва ижтимоий кафолатлар	Молиявий натижа
Ташқи истеъмолчилар
Мол етказиб берувчилар	Моддий ресурсларни етказиб бериш	Эркин, келишилган баҳо	Молиявий ҳолат
Харидорлар, мижозлар	Маҳсулот, иш ва хизматларни сотиб олиш	Эркин, келишилган баҳо	Молиявий ҳолат
Кредиторлар, қарз берувчилар	Қарз капитали	Фоизлар	Баланснинг ликвидлиги
Инвесторлар	Инвестиция	Инвестициядан даромад	Молиявий натижа
Солиқ органи	Солиқлар бўйича берилган имтиёзлар	Солиқ, йиғим ва бошқа тўловлар	Молиявий натижа
Бошқа гуруҳлар	Ҳар хил	Ҳар хил	Ҳар хил

Ички истеъмолчиларга қуйидагилар киради:

Корхона маъмурияти – корхона фаолиятини бошқариш ва қўйилган мақсадларига эришиш учун тўлиқ жавобгар шахслардир. Корхонанинг олдига жуда кўп миқдорда мақсадлари бор, лекин маъмурият бозор иқтисодиёти ва кучли рақобат шароитида фақат уларнинг иккитасига: фойдалилик (рентабеллик) ва ликвидликка эътиборини қаратади. Фойдалилик (рентабеллик)- киритилган капитал ва етарли даражада капитални жалб қилиш учун фойда ишлаб топиш қобилияти бўлса, ликвидлик – мавжуд қарзларни белгиланган муддатларда тўлаш учун етарли даражада тўлов воситаларига эга бўлишликни англатади.
Корхона ходимлари – корхона фаолиятининг рентабеллигига манфаатдорлар. Шу билан биргаликда улар корхонани иш ҳақи, нафақа ва бошқа ижтимоий хизматларни кўрсатиш имконияти тўғрисидаги ахборотга ҳам манфаатдор ҳисобланадилар.
Ташқи истеъмолчилар улар ўз вақтида иккига бўлинади бевосита манфаатдор ташқи истеъмолчилар ва билвосита ташқи истеъмолчиларга.
Бевосита манфаатдор ташқи истеъмолчиларга қуйидагилар киради: