Bugungi kunda dunyo miqiyosida oziq-ovqatga bo‘lgan ehtiyojning ortib borishi, ichki suv havzalari biologik potensialidan, jumladan, baliq resurslaridan oqilona foydalanishni taqozo etmoqda

14-rasm. Kumush tobonbaliq (Carassius auratus)
(Amudaryo va Sirdaryo etaklarida) unchalik ahamiyatga ega emas. Ozuqa va joy tanlamasligi ya’ni ekologik jihatdan plastik baliq ekani sababli uni O‘rta Osiyo pasttekisliklaridagi havzalarda ko‘paytirish ancha foydalidir. Kumush tobonbaliq akvariumda saqlanadigan rang-barang va ajoyib oltin baliqlarning nasl boshisi bo‘ladi. 1000 yillarcha muqaddam Xitoy va Yaponiyada uzoq yillar davomida seleksiya qilish natijasida Kumush tobonbaliqning Kometa, Osmonko‘z, Teleskop, Marvaridcha, Suvko‘z, Oltin baliqcha, Arslonbosh kabi bir necha xonakilashtirilgan zotlari etishtirilgan.[6.91]
Koreya qirraqorin (Hemiculter leucisculus)Korean sharpbelli, Koreyskaya ostrobryushka. 1855-yilda Basilevkiy tomonidan aniqlangan.Tanasi cho‘zinchoq, engil ko‘chib tushadigan tangacha bilan qoplangan. Yon chizig‘i keskin pastga qayrilib tushadi va qorin suzgich qanotining asosidan tana pastiga nisbatan parallel ravishda cho‘zilib borib, anal suzgich qanotidan yuqoriga egiladi va dum o‘qi bo‘ylab tana o‘rtasidan ketadi. Qornidagi qirra tomog‘idan to anal teshigigacha boradi. Og‘zi to‘g‘riga qaragan. Halqum tishlar uchqatorli, qarmoqsimon egilgan, formulasi odatda 4.4.2-5.4.2. Orqa suzgich qanotida II-III 7-8, anal suzgich qanotida III 10-14 ta shu’la mavjud. Dum suzgich qanoti keskin kesiklik. Yon chizig‘ida 42-57 tangacha bor. Oyquloq ustunchalari 15-21 ta. Tana uzunligi 30 sm.gacha, og‘irligi 220 g gacha .Tabiiy areali – Rossiyaning Uzoq Sharqi, shimoliy Xitoy, Yaponiya, Koreya, Mongoliya. O‘zbekiston suv havzalariga Xitoydan o‘simlikxo‘r baliqlarni iqlimlashtirish paytida tasodifan kelib qolgan. Amudaryo va Sirdaryoda tarqalgan. Qirraqorinlar ayniqsa, baliqchilik hovuzlarida va irrigatsiya kanallarida ko‘plab uchraydi. 2-3 yoshida uzunligi 7-10 sm. ga etsa, jinsiy jihatdan etilgan hisoblanadi. Urchishi porsiyali bo‘lib, may-iyul oylariga to‘g‘ri keladi. Serpushtligi 15-50 mingta uvildiriq tashlashi bilan tavsiflanadi. Uvildirig‘i pelagik. Qisqichbakasimonlar, hasharotlar, suv o‘tlari va baliq chavoqlari bilan oziqlanadi. Ovlanish ahamiyatiga ega emas.