Bugungi kunda dunyo miqiyosida oziq-ovqatga bo‘lgan ehtiyojning ortib borishi, ichki suv havzalari biologik potensialidan, jumladan, baliq resurslaridan oqilona foydalanishni taqozo etmoqda

11-rasm. Mikroperkops (Micropercops cinctus)
Kulrang eshvoyi (Triplophysa dorsalis) Syn.: Nemacheilus dorsalis (Kessler, 1872) Gray loach Serыy golets 1872-yil Kessler tomonidan aniqlangan. Boshi dum o‘qidan uzunroq. Burun teshiklari yaqinlashgan. Dum o‘qi yonidan qisilgan, uning balandligi qalinligidan kattaroq. Dum suzgich qanoti katta bo‘lmagan kesik yoki kesimtalik shaklida. Tananing umumiy rangi kulrang, yon tomonlarida va dum suzgich qanotlarida mayda dog‘lar bor bo‘lib, ular qatorasiga guruhlashgan. Qorni ochrang, qorin pardasi qora. Yelka szgich qanotida III 6-7 ta, anal qanotida III 5 shu’la mavjud. Tana uzunligi 13 sm.gacha. Tarqalishi Amudaryo, Sirdaryo va ularning irmoqlari.Daryolarning yuqori qismini xush ko‘radi. Sekin oquvchi va oqmas suv havzalarida hayot kechiradi. Suv ostidagi hasharotlar lichinkasi va suvo‘tlari bilan oziqlanadi. Urchishi bahorda. Porsiyali. Serpushtligi 700-800 tagcha uvildiriq tashlashi bilan izohlanadi. Akvarium sharoitiga chidamli.Orol dengizi havzasi endemigi. Ovlash ahamiyatiga ega emas.
12-rasm. Kulrang eshvoyi (Triplophysa dorsalis)
Xitoy medakasi (Oryzias sinensis) (Chen, Hiroshi et Chu, 1989) Chinese medaka, Chinese ricefish Kitayskaya medaka Og‘zi yuqoriga qaragan. Yelka suzgich qanoti ancha orqaga surilgan bo‘lib, erkaklarida cho‘zinchoq va uchliroqdir, urg‘ochilarida esa aylanasimon shaklda. Yon tomonlarida o‘rta chizig‘i bo‘ylab qoramtir chiziq ketgan. Orqa suzgich qanotida 5-8 ta, anal qanotida 14-22 ta shu’la mavjud. Tana uzunligi 4 sm.gacha, urg‘ochilari erkaklaridan yirikroq. Tabiiy areali – Xitoy, Koreya. Qozog‘iston suv havzalariga Xitoydan tasodifan kirib kelgan. Chivin lichinkalariga qarshi qo‘llash maqsadida Qozog‘istondan O‘zbekistonga keltirilgan. Amudaryoning quyi oqimi suv havzalari va Sirdaryoning o‘rta oqimida uchraydi. Iliq sayoz suv havzalarini xush ko‘radi. 2 oyligidayoq jinsiy voyaga etgan hisoblanadi. Urchishi yilning issiq davriga to‘g‘ri kelib, uvildiriq tashlashi ko‘p martalik, porsiyalik. Urg‘ochisi 15-40 dona uvildiriqni suv o‘tlariga yopishtirib qo‘yadi va ular 10-15 sutkada rivojlanadi. Suv o‘tlari va suv umurtqasizlari bilan ovqatlanadi. Chivin lichinkalariga qarshi kurashda foydalaniladi. Ovlash ahamiyatiga ega emas. Biologiyada eksperiment olib boruvchi tur sifatida e’tirof etilgan.