Bugungi kunda dunyo miqiyosida oziq-ovqatga bo‘lgan ehtiyojning ortib borishi, ichki suv havzalari biologik potensialidan, jumladan, baliq resurslaridan oqilona foydalanishni taqozo etmoqda

Tangachali ko‘kcha (Diptychus maculates) Scaly osman, Cheshuychatiy osman- karpsimonlar oilasining bir turi. Tog‘ balig‘i, Sirdaryo, Talas, Chu, Ili, Tarim va Hind daryolarining manbayida tarqalgan. Tog‘ havzalarining kamdan-kam baliq yashaydigan baland joylarida hayot kechiradi. Tanasining yon chizig‘idan yuqorigi va pastki qismi qalin tangacha bilan qoplangan. Yelka suzgich qanotida I-III 7-9 ta, anal suzgich qanotida I-III 5 ta shu’l bor. Yon chizig‘ida 73-100 tangacha mavjud. Faqat yonlari va orqasidagina siyrak tangachalari bor, qorin tomoni esa yaydoq. Dum osti suzgichining oldida atrofi katta tangachalar bilan o‘ralgan yirig‘i bor orqasi och sariq rangda, boshining ustida ko‘pincha qora hollari bo‘ladi. Urchish davrida tanasida mayda oq so‘gallar paydo bo‘ladi, erkagining orqa suzgichi kattalashib yelpig‘ichga o‘xshab ketadi va bu o‘zgarish hayotining oxrigacha saqlanib qoladi.

3-rasm. Tangachali ko‘kcha (Diptychus maculates);
Eng kattasining uzunligi 70 sm gacha, lekin ko‘pincha 20-30 sm lilari uchraydi. Og‘irligi 1 kg atrofida.U tog‘ daryolarining shiddatli oqimini ham, kichikroq sharsharalarni ham pisand qilmaydi. Hayotining 4 yilida jinsiy jihatdan etiladi. Urchishi porsiyali, apreldan sentyabrgacha. Uvildirig‘ini suv ostidagi toshli joylarga tashlaydi. Serpushtligi 1000-5000 ta uvildiriq tashlashida namoyon bo‘ladi, ikrasining diametri 3 mm. uvildirig‘ini ham suvning tez oqadigan joylariga tashlaydi. Uvildiriq tashlab turgan bitta urg‘ochisining atrofida bir qancha erkagi bo‘ladi. Bu ehtimol tezkor suvda urchishga moslanish bo‘lishi mumkin, chunki oqim jinsiy mahsulotlarni oqizib ketishi mumkin. Binobarin, urig‘i ko‘p bo‘lsa,
tuxum urug‘lanishiga imkoniyat ham ko‘p bo‘ladi.Urg‘ochisi apreldan, suvning harorati 10 darajaga ko‘tarilganda to may oyining oxiriga qadar uvildiriq tashlaydi. Ikkinchi martda avgust va sentyabr oylarida tuxum qo‘yadi. Uvildirig‘ining rivojlanishi suvning haroratiga bog‘liq, ammo u zaharli bo‘lganidan iste’mol qilinmydi. Bu baliqning ozuqasi mayda hayvonlar, o‘simliklardan iborat, masalan kattalari ko‘pincha suv o‘simliklari bilan oziqlanadi. Lichinka va chavoqlari umurtqasiz plamktonlar bilan ozqilanadi. Katta bo‘lgani sari asosan o‘simliklar bilan oziqlanishga o‘tadi. Og‘iz apparati va ichaklari ham o‘simlik bilan oziqlanishga moslashgan. Tangachali ko‘kchani qarmoqda ovlanadi. Havaskor baliq ovlovchilar ob’ekti.