Бугун Ўзбекистон Республикаси-иқтисодиёти бозор иқтисодиётига асосланган, тўхтовсиз ривожланаётган давлат

5.3. Темир йўл шохобчалари эксплуатацияси шартномавий муносабатларининг мазмуни
Қабул қилиш-топшириш операцияларини бажариш жойи ва тартиби. Вагонларни қабул қилиш-топшириш операцияларини бажариш жойи ва тартиби темир йўл шохобчасига хизмат кўрсатувчи локомотив кимнинг тасарруфида бўлишига боғлиқ. Корхона тасарруфидаги темир йўл шохобчасига унинг локомотивида хизмат кўрсатилганда шартномада чиқариб қўйиладиган, деб аталувчи йўл белгиланади. Бу йўлга темир йўл корхона манзилига келган юкли вагонларни ёки ортиш учун бўш вагонларни элтиб беради ва у ердан корхона уз локомо­тивида вагонларни ортиш-тушириш жойларига олиб кириб беради. Ана шу чиқариб қўйиладиган йўлга темир йўл шохобчасидан олиб чиқилаётган вагонлар қўйилади. Чиқариб қўйиладиган йўллар станция чегарасида ёки темир йўл шохобчасида бўлиши мумкин. Агар темир йўл вагонларни станциянинг чегараси ташкарисида жойлашган чиқариб қўйиладиган йўлларга элтиб берса, корхонадан вагонларни олиб кириб бериш ва олиб чиқиш учун йгоимлар ундиради.
Корхоналар тижорий муносабатида бўш вагонларни кабул қилиб олишлари ташилаётган юкни асрашни таъминлаш нуктаи-назаридан, ушбу юкни ташишга яроқли ва созлигини билдиради. Темир йўл шохобчаларида юкларни корхона воситаларида вагонларга ортилади, шунинг учун тижорий муносабатда вагонларни яроқли, созлигини аниқлаш учун жавобгарлик уларга юкланади (ТЙУнинг 45- ва 46-моддалари).
Цистерна ва бункерли очиқ, вагонларни қуйишга тайёрлаш, темир йўл ёки юк жўнатувчи темир йўл ҳисобидан (битим бўйича) бажаради.
Махсус цистерналарни қуйишга тайёрлашни юк жўнатувчи бажаради.
Корхона тасарруфидаги темир йўл шохобчаларида, ҳамда темир йўл тасарруфидаги темир йўл шохобчаларининг корхона чегара ҳудудида ва ортиш-тушириш фронтларида юкли ва бўш вагонларни корхона воситаларида ва уларнинг ҳисобидан курикланади (ТЙУнинг 92-моддаси).
Шунинг учун юкли вагонлар чиқариб қўйиладиган йўлга элтиб берилиб топширилгандан сўнг, вагонни ва юкни курикдаш корхона зиммасига юкланади. Бундай вазиятларда юкни огарлигини ва жойлар микдорини (сонини) аниқлаш хақидаги талабни корхона вагонлар­ни топшириш пайтида маълум қилиши керак.