Бугун Ўзбекистон Республикаси-иқтисодиёти бозор иқтисодиётига асосланган, тўхтовсиз ривожланаётган давлат

Вагон ва контейнерларни пломбалаш. Пломба ташиш жараёнида юкнинг бутунлигини таъминловчи қўриқловчи белги. Соз пломба вагонга ҳеч ким кирмаганлиги ва юк пломба қўйган бекатдаги миқдор ўзгаришсиз эканлигини билдиради. Шунинг учун пломба қўйиш-ташиш жараёнида юкнинг бутунлигини таъминловчи асосий восита ҳисобланади. Вагонларни пломбалаш тартиби ташиш қоидаларида белгиланган. Пломба қўймасдан, лекин мажбурий сим ўрамалар қўйган ҳолда, фақат қоида иловасида санаб ўтилган юкларгина вагонда ташилади. Агар юк темир йўл ёрдамида ортилса, вагон темир йўл томонидан пломбаланади, жўнатувчи томонидан ортилганда-юк жўнатувчининг пломбаси ўрнатилади. Фуқаролар томонидан ташишга тақдим этиладиган қишлоқ ҳўжалиги махсулолари ва уй рўзғор буюмлари ортилган контейнер темир йўл томонидан юк жўнатувчи ҳузурида пломбаланади. қолган ҳолларда юк жўнатувчининг пломбаси қуйилади. Фуқароларга транспорт-экспедиторлик ташкилотлар томонидан хизмат кўрсатилганда контейнерларга транспорт-экпедиторлик ташкилот пломбаси қўйилади.
Вагон ёки контейнерларга қуйилаётганда пломбаларда қуйидаги белгилар бўлиши зарур: темир йўл томонида қўйилганда-бекатнинг тўлиқ ёки қисқартирилган номи, пломбанинг назорат белгилари; юк жўнатувчи томонидан қўйилганда-юк жўнатувчининг тўлиқ ёки қисқартирилган номи, тиски номери.
Назорат белги пломбаланаётган вагон ёки контейнернинг сўнгги уч рақамига мос келадиган,уч рақамдан ташкил топади.
Вагон ёки контейнерни пломбалаш учун қўрғошинли пломбалар ёки икки камерали тешикли полиэтилен пломбалар қўлланилади ва улар вагонлар, контейнерга 0,6-0,7 мм диаметрдаги симга термик ишлов бериш йўли билан ўрнатилади.
Сўнгги вақтларда вагонларни пломбалаш учун пломба-ёрлиқлар ва пломба-тиқинлар қўяди. Бошқа пломбаларга нисбатан бу икки пломба ишончлироқ ҳисобланади.
Пломбаловчи тисклар темир йўл устахоналарида тайёрланади. Пломба тискларни сақлаш ва улардан фойдаланиш тартиби бекатларда-бекат бошлиғи, юк жўнатувчида-корхона рахбари томонидан ўрнатилади. Доимо улар қулфланган холда сақланади ва пломбалаш китобида тилхат остида берилади. Пломбалаш китобида олувчи- топширувчи томонидан пломбаланган вагон номлари ва назорат белгилари ёзилади.