Budjet hisobi va g’aznachilik” fakulteti

O‘ZBEKISTON RESPUBLIKASI
OLIY VA O‘RTA MAXSUS TA’LIM VAZIRLIGI


TOSHKENT MOLIYA INSTITUTI

“Budjet hisobi va g’aznachilik” fakulteti

“AUDIT” kafedrasi

“Audit” fanidan
KURS ISHI
Mavzu: “ Kapital qo’yilmalar auditi”
Bajardi: 4-kurs BILM-60 guruhi talabasi
Tursunova E’zoza
Ilmiy rahbar: dots. Fayziyev Sh. N.


Toshkent-2022
Reja
Kirish

1. 
   Kapital qo’yilmalar auditi maqsadi, vazifalari va axborot manbalari
   
2. 
   Kapital qo’yilmalar auditini rejalashtirish
   
3. 
   Kapital qo’yilmalar auditini o’tkazishning ketma-ketligi
   

Xulosa
Foydalanilgan adabiyotlar ro’yxati
KIRISH
Kurs ishi mavzusining dolzarbligi. Zamonaviy sharoitda shunday vaziyat yuzaga keladiki, korxonalar, loyihalash va ilmiy-tadqiqot institutlari, banklar va boshqa tijorat tashkilotlari investitsiyalarni iqtisodiy asoslashning zamonaviy uslubiyati bilan qurollanmaganligi ulardan foydalanish samaradorligiga salbiy ta’sir ko’rsatmoqda. So’nggi yillarda iqtisodiy adabiyotlarda investitsiyalarni iqtisodiy asoslash uslubiyotiga bag’ishlangan ko’pgina masalalar yoritib kelinmoqda.
Kapital qo’yilmalarni iqtisodiy samaradorligi ularni foydalanish ko’rsatgichlarida bo’lib, mablag’larni ishlab chiqarishning u yoki bu tarmog’iga sarf qilishdan tutiladigan maqsad bo’lib hisoblanadi.
Korxonalarni qayta qurishga sarflayotgan kapital qo’yilmalarni iqtisodiy samaradorligini aniqlashda qayta qurishgacha bo’lgan iqtisodiy ko’rsatkichlar undan keyingi iqtisodiy ko’rsatkichlar bilan taqqoslanadi. Sanoat korxonalarini qayta qurish ishlab chiqarishni texnik darajasini oshirishni, uskunalar unumdorligini o’stirishni va ishlab chiqarish quvvatlarini o’sishini ko’zda tutadi. Shu munosabat bilan ichki va tashqi nazoratdan foydalanish qo'llaniladi. Buning uchun audit qo'llaniladi. Kapital qo’yilmalar auditining maqsadi moliyaviy hisobotdagi kapital qo’yilmalar ko’rsatkichlarining ishonchliligini va amalga oshirilgan operatsiyalarning qonuniyligini aniqlashdan iborat.