Bosh sxema deb elektr stansiyasining asosiy jihozlarini bir-biri va stansiyadan ketayotgan elektr liniyalari bilan ulanish tartibiga aytiladi

Elektr stansiya va podstansiyalarning elektr tizimidagi roll va ahamiyati
Elektr energiyasi turli xil elektr stansiyalarida ishlab chiqariladi. Odatda, elektr stansiyalar tabiiy energetika resurslari mavjud bo'lgan tumanlarda quriladi. Bunday tumanlar esa ko'pincha sanoat markazlaridan ancha uzoqda bo'ladi. Elektr stansiyalarda ishlab chiqarilgan elektr energiyasi elektr uzatish liniyalari orqali sa­noat markazlariga, ya'ni iste'molchilarga uzatiladi. So'nggi vaqtlarda elektr energiyasi uzatilishi lozim bo'lgan masofa va uzatiladigan quvvatlar tobora ortib bormoqda.
Hozirgi vaqtda elektr stansiyalarda ishlab turgan yoki yangi o'rnatilayotgan generatorlarning nominal kuchlanishi 6--24 kV dan oshmaydi. Energiyani uzoq masofaga, chunonchi 10--24 kV li kuchlanishda, uzatish maqsadga muvofiq emas. Shuning uchun katta quvvatlarni uzoq masofaga uzatishda o'ta yuqori kuchlanishlardan (masalan, 110 kV, 220 kV, 500 kV, 750 kV va hokazo) foydalaniladi. Bunday liniyalarda quvvat isrofi ancha kamayadi, energiya uzatish liniyasining f.i.k. katta bo'ladi. Shuning uchun ham har bir elektr stansiya qoshidagi podstansiyada kuchlanishni bir necha o'n marta oshirib beradigan kuch transformatorlari o'rnatiladi.
Elektr stansiya yoki podstansiyalarning parallel tomonli shinalari elektr tizimlarining tugun nuqtasi bo'lib, unda bir necha elektr stansiya parallel ishlashga birik-tiriladi. Bu holda shinalar orqali elektr tizimining bir qismidan boshqa qismga quv-vatni tranzitlash mumkin. Podstansiya tupikli, poxodnoy, ajragan bo'lishi mumkin.
Elektr energiyasidan foydalanish tufayli mehnat unumdorligini ko'p marta oshiruvchi hozirgi zamon mashinalari, avtomatlashgan liniyalar va butun korxonalar yaratildi hamda ishlab chiqarishning yangi tarmoqlarini (elektrometallurgiya, elektroliz, elektr payvand, materiallarni yuqori chastotali tok yordamida ishlash va hokazo) tez taraqqiy qildirish mumkin bo'ldi. Qishloq xo'jaligini mexanizatsiyalashda elektr energiyasining ahamiyati juda kattadir. Elektr energiyasidan tur-mushda ham keng foydalaniladi. Elektr energiyasidan turli maqsadlarda foydalanish uchun ularni iste'molchi­larga yetkazib berishda stansiya va podstansiyalarning roli kattadir.