Болаларни мактабга ақлий ва ижтимоий психологик тайёргарлигинининг психологик томонлари

2.2. Болаларнинг мактабга тайёргалигида мактаб ва оила ҳамкорлигининг ошириш йўллари.
Мактабгача ёшдаги болаларни ёшига мос равишда ҳар томонлама ривожлантириш, мактаб таълимига сифатли тайёрлашда ота-оналар билан ҳамкорликда олиб бориладиган ишлар алоҳида аҳамиятга эга.
Мактабгача таълим муассасаси педагоглари оилани боланинг илк тарбиячиси сифатидаги устувор мавқеини эътироф этишлари жуда муҳим. Бола муассасага келгунга қадар оила унга пиёладан қандай фойдаланишдан тортиб, тўп улоқтиришгача бўлган кўп нарсаларни ўргатган ҳолда эртак эшитишдан завқ олиш кўникмасини ҳосил қилган бўлади. Мактабгача таълим ота-оналарга ривожланиш дастўрининг барча жиҳатларида иштирок этиш имкониятини берган ҳолда, оила ва боланинг худди шу илк муносабатлари устига қўрилади.
Оила билан ҳамкорликка асосланган амалиётда шакл ва жараёнлар юқори турмайди, балки оилага нисбатан ҳурматли муносабатдаги қадриятлар, ота-оналар фикрига қулоқ солиш, улардан бола билан мулоқот қилиш кўникмаларини ўрганиш, улар билан ҳамкорлик қилиш истаги бўлади.
Бола шахсига йўналтирилган ҳамкорликдаги таълим тамойилларида болаларнинг оилалари билан бевосита мулоқот қилиш, у яшаётган муҳитни ўрганиш ниҳоятда муҳим эканлиги таъкидланади.
Ота-оналар ва тарбиячилар ўртасида самарали ҳамкорлик қилиш тамойиллари:
Ота-она ва тарбиячи ўртасида ўзаро самимий ҳурмат.
Ҳамкорликни бошлашда оила ва тарбиячи ўртасидаги мулоқот усулларини келишиб олиш.
Ўзаро келишилган доимий учрашувларни ташкил қилиш орқали боланинг оиласи билан яқин алоқа ўрнатиш.
Ота-оналарнинг тажрибасидан келиб чиқиб, уларни мактабгача таълим муассасасидаги турли машғулотларга жалб этиш.
Оилалардаги маданий хилма-хилликни ҳурмат қилиб, машғулотлар ва тадбирлар орқали хилма-хилликни тарғиб қилиш.
Оила ва боланинг кучли томонларига диққатни қаратиш.
Ота-оналар ва тарбиячи ўртасида бола ва оилага тегишли ахборот алмашилганда, қатъий ишончга амал қилиш. Ҳамкорлик қилишда ишонч жуда муҳим ҳисобланади.

Болаларни тарбиялашда ҳар бир педагог барча фаолиятларни ота-оналар билан ҳамкорликда ташқил этса болалар жуда катта ютуқларни қўлга киритадилар, тезда яхши натижаларга эришадилар. Шу сабабли ҳам ота-оналар билан ҳамкорликнинг самарали йўлларини тинимсиз излаш ва қўллаш лозим.