Bolalar adabiyoti o‘zbekiston respublikasi oliy va o‘rta maxsus ta’lim vazirligi

MAYMUNLAR DOKTOR BILAN
XAYRLASHDILAR
Shu topda uyga maymunlar kirib keldilar-da, doktorni ovqatga
chaqirdilar. Ular doktorga xayrlashish oldida ajoyib ovqat
tayyorladilar: dasturxon olmalar, bananlar, xurmolar, shaftolilar,
apelsinlar, ananaslar, yong‘oqlar, uzumlar bilan to‘lib ketdi.
— Yashasin doktor Voyjonim! U yer yuzida eng mehribon
odam, — deb qichqirdilar ular.
Keyin maymunlar o‘rmonga chopib bordilar-da, yerdan
bahaybat og‘ir toshni dumalatib keltirdilar.
— Bu tosh, — dedilar ular, — doktor Voyjonimning may-
munlar xalqini davolagan joyida turadi. Bu tosh mehribon doktorga
haykal bo‘ladi.
www.ziyouz.com kutubxonasi

---

3 1 3
S. Y. Marshak
(1887 —1964)
Samuil Yakovlevich Marshak kichkintoylar uchun katta
she’riyat yaratib  bergan ulkan san’atkor, taniqli tarjimon, yetuk
dramaturg, mohir pedagog va bilimdon muharrirdir.
S. Y. Marshak 20- yillardayoq o‘zining she’r, ertak va poemalari
bilan yosh kitobxonlarning sevimli shoiri sifatida tanildi. „Qayerda
ovqatlanding, ey chumchuq?“, „Ahmoq sichqoncha haqida ertak“,
„Kecha va bugun“, „Sirk“ kabi mashhur asarlari o‘sha yillarda
yaratilgan edi.
Marshakning „Petya nimadan qo‘rqar edi?“. „Korablcha“ singari
she’rlari bilan birga „Gorkiy va bolalar“, „Gorkiy haqidagi xotiralardan“
degan maqola va esdaliklari  kitobxonlarga, ayniqsa, manzur bo‘ldi.