Bog‘dorchilik o‘zbekiston Respublikasi Oliy va o‘rta maxsus ta’lim vazirligi tomonidan kasb-hunar kollejlari o‘quvchilari uchun o‘quv qo‘llanma sifatida tavsiya etilgan «O‘zbekiston faylasuflari milliy jamiyati»

Tok tuplarini o‘tqazish qalinligi. Maydonni ko‘chat ekish uchun taqsimlashdan oldin tok tupining oziqlanish maydoni, ya’ni qatordagi tuplar va qatorlarining orasi (ekish qalinligi) belgilanadi. U toklarning o‘sishi va hosilga kirishi uchun eng qulay sharoit yaratishi va yerni hamda toklarni parvarish qilish bo‘yicha kompleks­ mexanizatsiyani qo‘llashga imkon berishi kerak. Tok o‘tqazish qalinligi tabiiy sharoitda, nav tarkibiga, toklarning o‘sish kuchiga va ularni parvarish qilish-ga bog‘liq. Yer qancha unumdor bo‘lsa, tuplar qancha kuchli o‘ssa, ularning oziqlanish maydoni shuncha katta bo‘ladi. Unumsiz­ (shag‘alli va boshqa xil) tuproqli yerlarda oziqlanish­ maydoni kichikroq bo‘lishi ham mumkin, lekin bu yerda ham mexanizatsiyadan foydalanish imkoniyati hisobga olinadi. Shuning uchun yerni maxsus tokzorlar traktori (KDP–35, KD–35) bilan ishlashda qatorlar orasi: tik simbag‘azlar uchun kamida 2–2,5 m, tok o‘stirishning boshqa tizimlari uchun va kuchli traktorlar bilan ishlaganda 3–3,5 m bo‘lishi maqsadiga muvofiqdir.