Bob. Mehnat resurslarini boshqarish strategiyala- rining nazariy asoslari 8

jadval Korxona xodimlarining 2013-2015 yillar mobaynida malaka oshirganligi

va unga sarflangan xarajatlar tahlili²⁴

№	Xodimlar	2013 y.	2014 y.	2015 y.	2015 yilda 2013 yilga nisbatan %
1.	Asosiy ishlab chiqarish xodimlari	259	276	271	104,6
2.	Injener-texnik xodimlar	8	10	8	100,0
3.	Ma’muriy boshqaruv xodimlari	2	3	4	200,0
Xodimlar tayyorlash va malakasini oshirishga sarflangan mablag‘lar summasi, ming so‘m		6595,4	3505,1	27407,0	397,5
Jami		269	289	283	105,2

Umumiy 2014 yilda 2013 yilga nisbatan hisob jihatdan 20 kishiga, foiz jihatdan 7,4 % ga ko‘payganligini kuzatish mumkin. 2015 yilda kasb-hunarga o‘qitilgan jami xodimlar soni 283 kishini tashkil etib, bu 2013 yilga nisbatan 5,2 % ga oshganini, 2014 yilga nisbatan esa 2,1 % ga pasayganidan dalolatdir. 2015 yilda asosiy ishlab chiqarish xodimlaridan 271 nafari kasb-hunar tayyorgarlligidan qayta o‘tgan va malaka oshirgan bo‘lib, bu 2013 yilga nisbatan 4,6 % ga o‘sganligini ko‘rsatadi. 2015 yilda 2013 yilga nisbatan ma’muriy boshqaruv xodimlari soni 2 martaga ko‘paygan, injener-texnik xodimlar soni bo‘lsa barqaror qolgan.

Xodimlar tayyorlash va malakasini oshirishga sarflangan mablag‘lar summasi 2015 yilda keskin ortishi kuzatilgan, ya’ni 2013 yilga nisbatan 297,5 % ga ortgan. Xulosa qilib aytadigan bo‘lsak, Kadrlar tayyorlash Milliy Dasturi, sifatni boshqarish masalasiga qaratilayotgan katta e’tibor malakali kasb-hunar tayyorgarligiga ega xodimlarni talab etmoqda.
“FOTON” aksiyadorlik jamiyati kadrlarni malakasini oshirish va ikkinchi

24. 
    Jadval “FOTON” AJ ning statistik ma’lumotlari asosida talaba tomonidan tuzildi.
    

mutaxassislik uchun Toshkent Moliya Instituti bilan hamkorlikda ishlar olib bormoqda.
Yuqoridagilarni hisobga olgan holda korxona menejmentining o‘ziga xos xususiyatlarini va maqsadlarini ko‘rsatib o‘tish maqsadga muvofiqdir. Bu xususiyatlarga:

• 
  korxona ishini rentabelligini ta’minlash;
  
• 
  korxonani ishonchli sherik sifatida uning moliyaviy barqarorligini ta’minlash;
  
• 
  korxona ishlab chiqarayotgan mahsulotlar hajmi, turi, sifatini yaxshilagan holda iste`molchilar talablarini maksimal qondirish;
  
• 
  jamoaning ishlab chiqarish, tijorat hamda ijtimoiy muammolarini birgalikda hisobga olgan holda hal qilish;
  
• 
  mutaxassislarning salohiyatidan to‘laroq foydalanish maqsadida ularni tayyorlash, qayta tayyorlash va joy-joyiga qo‘yish.
  

Ushbu maqsadlarga erishish uchun korxona menejmenti miqdoriy va sifat hamda ijtimoiy ko‘rsatkichlarga tayanadi.
Korxonaning rivojlantirilishi quyidagi nihoyatda muhim fundamental muammolar yechimini topishga tayanishi kerak:

• 
  korxonalar va davlat hokimiyati o‘rtasidagi o‘zaro munosabatlarni rivojlantirish;
  
• 
  korxona raqobatbardoshligini rivojlanishi;
  
• 
  korxonalarning kadrlar siyosatini hamda kadrlarning sifatini oshirish.
  

Kadrlar salohiyatini yaxshilashni maqsad qilib qo‘ygan har bir korxona o‘z yo‘nalishidagi oliy va o‘rta maxsus o‘quv yurtlari bilan hamkorlik aloqalarini o‘rnatishi maqsadga muvofiqdir.
Kadrlar xizmatining talabalarga amaliyot o‘tash mobaynida e’tibor bilan munosabatda bo‘lishi, ularni korxona faoliyati bilan yaqindan tanishtirish hamda belgilangan amaliyot rejasini haqiqatda bajarish ishlariga bosh bo‘lishi talabada shu korxonaga qiziqish uyg‘otadi.

7.