Биринчи маъруза

Java application яратиш
Келинг ишнинг асосий қисмига ўтамиз, Биз ишни оддий Java application яратишдан бошлаймиз. Урф одатга риоя қилган холда Hello World дастурини яратишга киришамиз.
Java application лар билан Applet лар ўртасида бирмунча фарқ мавжуд. Java application лар фақатгина битта компьюютерда юкланиб ўзи мустақил ишлайдиган дастурлар хисобланади. Applet лар эса Java application лардан фарқли ўлароқ, бирор бир Java enabled веб браузерлар томонидан интернетдан ёки компьютернинг ўзидан юкланиб ишлайдиган махсус инренет дастурлари хисобланади. Java appilication лардан фарқли равишда, Applet лар мустақил ишлаш қобилиятига эга эмас.

Янги термин

Java application – Applet ларга қараганда умумийроқ компьютер дастури бўлиб у ўзининг ишга тушиши учун хеч қандай веб браузер дастурлари талаб қилмайди. Умуман олганда Java да нафақат Applet лар балки барча турдаги дастурларни яратиш мумкин.

Навбатдаги еттита дарс мобайнида насиб этса, қўлдан келганича Applet лар яратиш йўл йўриқлари билан танишамиз. Бизнингча аввал оддий Java application яратиш йўл йўриқлари билан танишиш мақсадга мувофиқ. Чунки қийинроқ дастурлар ёзишни бошлашдан аввал биринчи навбатда осонроқлари қандай ёзилишини ўрганиб олиши керак. Агар сиз Applet лар қандай ёзилишига жуда хам қизиқаётган бўлсангиз сиздан бир оз сабр қилишингиз талаб этилади.

Дастур кодини яратиш.
Барча дастурлаш тилларида бўлгани каби, Java да яратиладиган дастурлар хам оддий ASCII стандартидаги матн кўринишида яратилади. Бунинг учун албатта ўз ўрнида сизга бирор бир матнларни ўша стандартдаги файл кўринишида сақлай оладиган мухаррир дастур керак бўлади. Агар сиз Windows операцион системасида ишлаётган бўлсангиз бунинг учун оддийгина Notepad (русча версияларда Блокнот) дастуридан, Macintosh системаларида SimpleText ёки BBEdit дастуридан фойдаланишингиз мумкин.
Хуллас, бирор бир матн мухарририни ишга туширинг ва унга қуйидаги 1.1-кодни киритинг.