Biotexnologiya

Фойдаланган адабиётлар

1. 
   Navikienė Živilė. Modular Training In Vet System: Concept, Principles, Features 2014-07-31. ISBN-13: 978-3-659-58022-2. LAP LAMBERT Academic Publishing
   
2. 
   Исянов Р.Г. Кластерный подход в формировании модульной компетентности преподавателей высших образовательных учреждений. − Ташкент: ТГПУ, 2014. − 69 с.
   

5-Амалий машғулот: Фармацевтика фанларини уқитишда муаммоли вазият усули.
Ишдан мақсад: Муаммоли таълим мохияти, муаммоли вазият. Муаммоли таълим шартлари ва асосий методларини ўрганиш.
Масаланинг қўйилиши: Фармацевтика сохасидаги муаммоли вазиятларни ўрганиш мисолида муаммоли ўқитиш технологиясини қўллаш.
Ишни бажариш учун намуна
Муаммоли ўқитиш технологияси
Муаммоли ўқитиш америкалик файласуф, психолог ва педагог Дж.Дьюннинг назарий қоидаларига асосланади ва XX асрнинг 20-30-йилларида тарқала бошлади. Дж.Дьюн ўқитиш учун қуйидагиларни асос қилиб белгилади: ижтимоий, конструкциялаш, бадиий ифодалаш, илмий-тадқиқий. Бу асосларни амалга ошириш учун қуйидагилар тавсия этилади: сўз, санъат асарлари, техник қурилмалар, ўйинлар ва меҳнат.
Бугунги кунда, муаммоли ўқитиш деганда машғулотларда педагог томонидан яратиладиган муаммоли вазиятлар ва уларни ечишга қаратилган ўқувчиларнинг фаол мустақил фаолияти тушунилади. Бунинг натижасида ўқувчилар касбий билимларга, кўникмаларга, малакаларга эга бўладилар ва фикрлаш қобилиятлари ривожланади.
Муаммоли ўқитиш, ўқитишнинг шахсга йўналтирилган технологияларга тааллуқли, чунки бу ерда шахс субъект сифатида қаралади, муаммоли вазиятларнинг мақсади - педагогик жараёнда ўзига хос қизиқиш уйғотишдир.


Муаммоли ўқитиш, ўқитишнинг энг табиий самарали усулидир, чунки илмий билимлар мантиқи ўзида муаммоли вазиятлар мантиқини намойиш этади.

Муаммоли вазиятлар киритилиб, анъанавий, баён этиш ўқув материалининг энг оптимал таркиби ҳисобланади. Педагог муаммоли вазият яратади, ўқувчини уни ечишга йўналтиради, ечимни излашни ташкил этади. Муаммоли ўқитишни бошқариш, педагогик маҳоратни талаб этади, чунки муаммоли вазиятнинг пайдо бўлиши индивидуал ҳолат бўлиб, табақалаштирилган ва индивидуаллаштирилган ёндашувни талаб этади.