Biosferada barqaroro hayotni saqlash muvozanati

Biologik ifloslanish atrof-muhitga turli organik aerozollar, antibiotiklar, bakteriya-viruslar va boshqa ikroorganizmlarning tushishidan yuzaga keladi. Ular chirindi ko'p joylarda bo'lib, boshqa tirik jonzotlarda har xil kasalliklarning kelib chiqishiga sabab bo'ladi.

Fizikaviy ifloslanish tabiatning o'lik va tirik jinslarining hammasiga bir tekisda ta'sir o'tkazadi. Bunday holatga turli ishlab chiqarishning qoldiqlaridagi elektromagnit, yorug'lik, issiqlik va ionli nurlanishlar sabab bo'ladi.

Turli texnologik jarayonlar tabiatning turli qismlarini ifloslashi mumkin, jumladan, metallurgiya sexidan chiqqan chiqindilar atmosferani, galvanik sexning chiqindilari turli suv havzalarini ifloslaydi. Mashinasozlik texnologiyasida qattiq chiqindilar, shovqin va titrash (tebranish) kuzatiladi.
Atrof-muhitn ing ifloslanishi uyushtirilgan, tashkil qilingan holda yoki noma'lum joyga, noma'lum vaqtda, miqdori aniq bo'lmagan iflos moddalarning tashlanishi orqali bo'lishi mumkin.
Atrof-muhitning toza holda bo'lishini ta'minlashda vazirliklar, korxonalar oldida quyidagi vazifalar turadi:

1. 
   Qo'shni respublikalar bilan hamjihatlikda tabiatni muhofaza qilish ishmi birgalikda amalga oshinsh lozim;
   
2. 
   Tabiatni muhofaza qilish va tabiiy boyliklardan tejamkorlik bilan foydalanishda fan-texnika yutuqlariga asoslangan ish olib borish metodlarini ishlab chiqish;
   
3. 
   Turli vazirliklar, korxonalar, tashkilotlar, viloyatlar ishlarini umumlashtirib, bir yo'nalish, bir maqsad bo'yicha olib borish;
   
4. 
   Yer, yer usti va yer osti suvi, boyliklari, havo, o'simlik, hayvonlardan foydalanishda umumdavlat nazorati bo'lishini ta'minlash;
   
5. 
   Tabiat va tabiiy boyliklardan foydalanishda iqtisodiy normalar, qoidalar, standartlarning takomillashgan mexanizm- larini ishlab chiqish;
   
6. 
   Respublika, uning tumanlarida, xalq xo'jaligining turli tarmoqlariga oid ishlab chiqarish kuchlarini joylashtirish bo'yicha davlat ekologik ekspertizasidan o'tgan asosli sxemani ishlab chiqish;
   
7. 
   Yangi texnika, texnologiya, materiallar va moddalarni ishlatish, qo'llash, yangi qishloq, shaharlar, yo'llar, korxonalar qurishda, ayrim zavod va fabrikalarni rekonstruksiya qilishda ekologik normativ, ekspertiza, qonun va qoidalarga amal qilish, atrof-muhitni buzmaslik, uning tozaligini ta'minlash;
   
8. 
   Xo'jalik, sanoat qoldiqlari, atrof-muhitni ifloslovchi, zaharlovchi moddalarni ko'mish uchun maxsus ruxsatlar berish va bu borada yer usti, yer osti boyliklari, suvi, havo, tuproq tozaligini saqlash, o'simlik, hayvon va inson muhofazasini ta'minlashni ko'zda tutish, tabiiy boyliklardan foydalanishning rejasini yaratish;
   
9. 
   Qo'riqxonalar, buyurtmalar, milliy bog'lar tashkil qilish, ular ishlarini davlat nazorati asosida olib borish, noyob biologic va nobiologik yodgorliklarni ro'yxatga olish, o'simlik va hayvonlarga oid «Qizil kitob»larni takomillashtirish va ularga kirgan o'lik va tirik yodgorliklar muhofazasini ta'minlash;
   
10. 
    Tabiat va uning boyliklariga hurmat, e'tibor va muhabbatni kuchaytirish, buning uchun ekologik ta'lim va tarbiyaga oid tashviqot ishlarini aholining turli tabaqalari orasida tinimsiz olib borishni amalga oshirishdan iborat.