Biologik faol moddalar texnologiyasi

Laboratoriya ishida olib boriladigan jarayonlar tavsifi 
Dekantatsiya
- frantsuzcha 
decanter
– suzish, quyib olish so‘zlaridan olingan. Aralashma yoki eritma 
tindirilgandan so‘ng hosil bo‘lgan cho‘kma ustidagi suyuqlikni ajratib olish jarayoni dekantatsiya 
deyiladi. Dekantatsiya yo‘li bilan ajratib olingan suyuqlik dekantat deb ataladi. 

---

127 
Ekstraktsiya
-g‘ovaksimon qattiq jism tarkibidan bir yoki bir necha komponentlarni
ajratib olish jarayoni ekstraktsiyalash deyiladi. Ekstraktsiyalash jarayonida kerakli komponent qattiq 
fazadan diffuziya yo‘li orqali suyuq fazaga o‘tadi. Buning uchun shu komponentni eritadigan tegishli 
erituvchi tanlanishi kerak. Texnologik jarayonlarda erituvchi sifatida suv, spirt va spirt-suvli 
aralashmalar, benzin, trixloretan, dixloretan, ayrim anorganik kislotalarning eritmalari va boshqalar 
ishlatiladi.
Filtrlash
-turli jinsli sistemalarni g‘ovak filtr to‘siqlar yordamida fazalarga ajratish jarayoniga filtrlash 
deyiladi. Filtr to‘siqlar aralashmaning qattiq fazasini ushlab qoladi, suyuq fazasini esa o‘tkazib 
yuboradi. Filtrlash intensivligi suspenziya sifati ya'ni dispers faza cho‘kmasi qarshiligining miqdoriga, 
qovushqoq va kolloid moddalar bor-yo‘qligiga bog‘liqdir. 
Nazorat uchun savollar 
1.O‗simlik xom ashyosidan suyuq ekstrakt olishda qo‗llaniladigan ekstragentlarni va ekstraksiya
usullarini ayting. 
2.O‗simlik to‗qimasida dori vositalarini olishda yog‗ va ballast oqsillardan qutilish uchun qanday 
tozalash usullari qo‗llaniladi? 
3. Biogen stimulyatorlar deb nimaga aytiladi? 
4. V.P.Filatovning biogen stimulyatorlar haqidagi nazariyasini izohlab bering. 
5. Biostimulyatorlarni hosil bo‗lishini ta‘minlaydigan asosiy omillarni sanab o‗ting. 
6.Aloe suyuq ekstraktini olishning o‗ziga xosligi nimadan iborat?