Biologik faol moddalar texnologiyasi

Ishni bajarish tartibi 
Ekstrakt daraxtsimon aloening biorag‗batlantirilgan (I.P.Filatov bo‗yicha)barglaridan olinadi. 
Dastlabki xom ashyo 2 yildan ortiq o‗sgan o‗simlik bo‗lishi zarur.O‗simlik pastki qismining barglari 
qirqib olinadi, yuqori qismdagi rivojlanmagan barglar qoldiriladi. Barglarni biorag‗batlantirish uchun 
ularni +4 -+8ºC haroratda 10 – 12 sutkaga qorong‗i joyda qoldiriladi. Shundan so‗ng ular yuviladi, 
quritiladi, bargning tikanlari va sarg‗aygan uchlari olib tashlanadi va tegirmonda maydalanadi. Hosil 
bo‗lgan massaga uch xissa tozalangan suv quyiladi va xona haroratida ikki soat davomida tindiriladi. 
Shunda so‗ng nastoyka 2 daqiqa davomida qaynatiladi, filtrlanadi, sovutiladi, miqdori (xajmi, ml.) 
o‗lchanadi va oksidlanishi aniqlanadi (sinama sulfat kislota ishtirokida permanganat kaliyning 0,01 n
eritmasi bilan titrlanadi). 
Analiz natijalariga ko‗ra filtrat shunday miqdorda suyultiriladiki, uning oksidlanish darajasi 1 litr 
filtratga 1500 mg kislorod to‗g‗ri keladi. So‗ng natriy xlor qo‗shiladi (1litr filtratga 7 gr) va yana 2 
daqiqa qaynatiladi, so‗ng filtrlanadi. 
In‘eksiya uchun preparatni tayyorlashda, hosil qilingan shaffof ekstrakt (pH ko‗rsatkichi 5,0 – 
6,8) 1ml miqdordagi ampulalarga quyiladi va 120ºC da 1 soat davomida sterillanadi. 
Sifatni tekshirish
. Ampulalardagi eritmaning sifati quyidagi texnologik parametrlar bo‗yicha 
aniqlanadi:

ampulalarni to‗lish normasini aniqlash; 

eritmaning pH ni aniqlash; 

ampulalarning germetikligini aniqlsh; 

begona mexanik qo‗shimchalarning yo‗qligini aniqlash. 
Taxlildan ijobiy natijalar olingandan so‗ng, tayyor mahsulot yorliqlanadi va qadoqlanadi. 
Tavsif: 
Aloe o‗simligining suvli ekstrakti suyuq – shaffof eritma bo‗lib, och sariqdan to qizil – 
sariq rangda bo‗lib, engil meva xidiga ega, pH 5,0 – 6,8.