Biokimyo va molekulyar biologiya

Disk-elektroforez

Bu uslubda oqsillarning elektr maydonida harkatlanishi va fraksiyalarga ajrashi PAG bilan to‘lg‘azilgan silindrsimon shisha naychalarda amalga oshiriladi. Kolonkada oqsil fraksiyalari disk ko‘rinishida ajraladi, shu sababli disk— elektroforez deb nomlangan.

Asbobning tuzilishi. Disk — elektroforez o‘tkaziladigan asboboning asosiy qismi yuqori (1 rasm) va pastki idishdan, gel to‘ldiriladigan shisha naychalardan (1—rasm) iborat. YUqori va pastki idishga platina simli yoki ko‘mir plastikali elektrod (1—rasm) o‘rnatilgan. Ikkala idish o‘rtasida gel to‘ldiriltan shisha naychalar vertikal holatda joylashadi. YUqorigi idishning tubida bir xil uzoqlikda joylashgan teshiklar bo‘lib, mahkamlovchi xalqa (1—rasm) yordamida gelli naycha biriktiriladi. SHisha naychaning ichki diametri 5 mm, tashqi diametri 7 mm, naycha uzunligi 65 — 70 mm. Naychaning ichki yuzasi bir tekis bo‘lishi lozim, aks holda oqsillar aniq fraksiyalarga ajralmaydi va gelni shishadan ajratib olish qiyinlashadi.

Akrilamid gelning yaxshi polimerlanishiga shisha naychaning tozaligi ham ta’sir qiladi, shuning uchun ishlatishdan avval shisha naychalarni xrom aralashmasida bir soat bo‘ktirib qo‘yib, suvda chayiladi va termostatda quritiladi. YOg‘dan tozalash uchun atsetonga botirib olib, yana quritiladi.