Biokimyo va molekulyar biologiya

D guruh vitaminlariga xos sifat reaksiyalari

D guruh vitaminlari steroidli tabiatga ega bo’ladi. Bulardan eng ahamiyatlisi vitamin D (ergokaltsiferol) hisoblanadi. Vitamin D ergosterindan ultrabinafsha nur ta’siri natijasida hosil bo’ladi.
Anilin bilan boradigan reakstiya

Reaktivlar: a) baliq moyi, b) anilin, v) konsentrlangan xlorid kislota.

Ishning bajarilishi: baliq moyidan 1 ml olib, ustiga 4-5 ml anilindan va 0,5 ml konsentrlangan xlorid kislotadan solinadi. Probirka qaynaguncha qizdiriladi va 20-30 sekund qaynatiladi. Natijada suyuqlik qizil rangga bo’yaladi.
B₁ vitamini uchun sifat reaksiyalari

Vitamin B₁ molekulasi tarkibiga 2 ta geterotsiklik birikma - pirimidin va tiazol kiradi. Bu ikki birikma metil guruhi bilan bog`langan bo’ladi. Bundan tashqari tiamin molekulasida gidroksil va amin guruhlari ham mavjud.

Vitamin B₁ (tiamin)

Vitamin B₁ suvda yaxshi eriydi. Spirtda yomon eriydi, xloroform va dietil efirda umuman erimaydi. Vitamin B₁ o’simlik va hayvon organizmida uchraydi. Donli o’simliklarda keng tarqalgan. Shu bilan birga achitqilarda, yong`oqda, jigarda, buyrakda, yurakda va yog`siz go’sht tarkibida bo’ladi.