Biokimyo va molekulyar biologiya

Ishning bajarilishi: probirkaga 1 ml 5% li kumush nitrat eritmasidan solinadi va ustiga tomchilatib ammiak eritmasidan qo’shiladi. Avvaliga kulrang cho’kma hosil bo’ladi va ammiak yana qo’shilishi natijasida erib ketadi. Kumush nitratning ammiakli eritmasiga 2-3 ml glyukozadan qo’shiladi. Probirkalar 80°C li suvga 5-10 daqiqaga qo’yiladi. Shundan keyin probirka devorida kumush metalining ko’zguga o’xshash cho’kmasi hosil bo’ladi.

11 – laboratoriya mashg`uloti

Disaxaridlarga xos reaksiyalar
Disaxaridlarning molekulasi 2 ta monosaxarid molekulasidan tuzilgan bo’lib, o’zaro glikozid bog`i bilan bog`langan. Disaxaridlardan saxaroza, maltoza, laktoza, tregaloza, sellobioza va boshqalar keng tarqalgan.

Disaxaridlarning monoz molekulalarining bog`lanishiga qarab ikkita tipga bo’linadi.

1) maltoza tipidagi bog`lanish

2) tregaloza tipidagi bog`lanish.

Maltoza tipida bog`langan disaxaridlar 2 ta monoz qoldig`idan tuzilgan bo’lib, bitta glikozid gidroksidi (karbonil guruh) bog`lanmagan holda bo’ladi va maltoza tipida tuzilgan disaxaridlarning hammasi karbonil guruhi uchun hos bo’lgan reaksiyalarni: Trommer, Benedikt, Nilander, Feling eritmasi bilan namoyon qiladi. Bu tipga maltoza, laktoza, sellobiozalar kiradi.

Tregaloza tipida tuzilgan disaxaridlarning molekulasida monosaxaridlar ikkita glikod gidroksillari o’zaro kislorod ko’prigini hosil qilib bog`langan. Shuning uchun tregaloza tipidagi disaxaridlar qaytarish xossalariga ega emas. Bu tipga saxaroza va tregalozalar kiradi.