Biokimyo va molekulyar biologiya

Ksantoprotein reaksiyasi

Bu reaksiya bir qancha aromatik aminokislotalar (fenilalanin, tirozin, triptofan) uchun hos hisoblanadi. Oqsillar va polipeptidlar konsentrlangan nitrat kislota bilan qaynatilganda sariq rangli nitrobirikma hosil bo’ladi.

Reaksiya 2 bosqichda o’tadi. Birinchi bo’lib, aminokislota masalan, tirozin konsentrlangan nitrat kislota bilan qo’shilib, nitrolanadi. Bunda sariq rangli dinitrotirozin hosil bo’ladi.

Ikkinchi bosqichda dinitrotirozin o’yuvchi natriy yoki ammoniy tuzlari bilan reaksiyaga kirishib, sariq - qizg`ish rangga bo’yaladi.

Ksantoprotein reaksiyasini oqsillar, peptidlar va siklik aminokislotalardan tashqari ko’pgina aromatik birikmalar (benzol, fenol va boshqalar) ham beradi.

Reaktivlar: a) tuxum oqsili eritmasi, b) 1% li jelatina eritmasi, v) konsentrlangan nitrat kislota, g) o’yuvchi natriy 20% li yoki konstentrlangan ammiak eritmasi, d) fenol 0,1% li.