«бердақ классикалық Әдебиятымыздың бийик шыңЫ»

бедной семье. Учился в мектебе. Автор лирических, сатирических, 
дидактических стихов, исторических поэм. («Родослоная», «Айдос бий», 
«Амангельди», «Ерназар бий» и др.). В поэме «Царь-самодур» Бердах 
изобразил народную борьбу против ханадеспота. Поэтвозвеличивал труд 
как основу жизни и источник духовного богатства человека, горячо 
восставал противсоциального угнетения и угнетения женщины» [5].
Бул қатарлар 1956-жылы Нөкис қаласында баспадан шыққан 
«Таңламалы шығармалар» китабынан алынғанлығы да мағлыўматлардың 
төменинде мағлыўмат сыпатында келтирип өтилген.
Биз дүнья жүзилик глобал тармақ есапланған интернеттен Бердақ 
бабамыз туўралы мағлыўматлар излеў, оларды көрип шығыў, анализлеў 
ҳәм басқа халықлардың шайырлары туўралы мағлыўматлар менен 
салыстырғанымызда, ол туўралы мағлыўматлардың жүдә аз екенлигин 
көрдик. Усыларды есапқа алған ҳалда биз төмендегилерди усыныс 
сыпатында билдирмекшимиз: 

---

167 
Бириншиден, бүгинги күндеги заманагөй жаслардың информация 
алыўшы ең үлкен дәреги есапланған фейсбук, одноклассники, телеграм 
сыяқлы социаллық тармақларда Бердақ шайырдың өмири ҳәм 
дөретиўшилигин сәўлелендириўши үлкен топарларды жаратыў, олардың 
ағзаларының санын көбейтиў ҳәм оны тез-тезден мағлыўматлар менен 
жаңалап барыў зәрүр; 
Екиншиден, қарақалпақ халқының классик шайыры есапланған 
Бердақ бабамыздың веб-сайтын жаратыў ҳәм оған шайыр туўралы барлық 
мағлыўматларды жайластырыў, ол туўралы жазылған илимий мақалалар 
менен толықтырып барыў керек; 
Үшиншиден, соңғы жылларда компьютер ҳәм қол телефонлары 
бағдарламаларының раўажланып баратырғанлығын ҳәм оннан пайдаланыў 
талабының артып атырғанлығын есапқа алған ҳалда, Бердақ бабамыздың 
өмири ҳәм шығармалары орын алған арнаўлы компьютер ямаса қол 
телефонлары бағдарламаларын ислеп шығыў ҳәм оларды жаслардың 
арасында кеңнен пропагандалаў керек; 
Төртиншиден, дүнья жүзиндеги ең үлкен интернет энциклопедиясы 
есапланған википедияға шайыр туўралы мағлыўматларды ҳәр түрли 
тиллерде киргизиў ҳәм бул арқалы қарақалпақ халқы ҳәм әдебиятын 
пүткил дүньяға танытыўға үлес қосыў зәрүр. 
Президентимиз Ш.М.Мирзиёев жасларды китап оқыўға, әдебиятқа 
ықлас қойып, оны түсиниўге, шайыр ҳәм жазыўшыларымыздың 
дөретиўшилиги менен кеңнен танысыўға шақырық таслап атырған бир 
ўақытта, биз уллы шайырларымыздың дөретиўшилигин Интернет арқалы 
кеңирек сәўлеледирсек, бириншиден жасларды көбирек мағлыўматлар 
менен таныстырамыз, екиншиден әдебиятымызды пүткил дүньяға 
пропаганда етемиз. Ең тийкарғысы заман менен, дәўир менен тең қәдем 
таслаған боламыз. Себеби, қарақалпақ халкының классик шайыры 
Бердақтың шығармалары бүгинги күнде де өзиниң әҳмийетин жоғалтқан 
жоқ. Жасларға оның шығармаларын үйретиў, ол туўралы мағлыўматлар 
менен таныстырыў ушын бүгинги заманның заманагөй оқытыў усыллары, 
билимин жетилистириўши қураллардан пайдаланған ҳалда әмелге асырыў 
ең жақсы усыл болар еди деген пикирдемиз. 
ӘДЕБИЯТЛАР: 
1. https://ok.ru/qaraqalpaqlar/topic/61466524191498 
2. https://ok.ru/t.dzhumamu 
3. https://kaa.wikipedia.org/wiki/Berdaq 
4. https://kaa.wikipedia.org/wiki/Berdaq 
5. http://dic.academic.ru/dic.nsf/bse/68671/Бердах