Баҳтли оила 1 Кириш

Ҳозирги тўйлар қандай бўлиши керак?
Асри саодатдан кейин ҳам Ислом жамиятларида тўйлар суннатга мос тарзда 
ўтказилган, кураш, югуриш, мушак каби ўйинлар билан бойитилиб, юксак маданият 
ҳолига келган.
Аммо Ислом ўлкалари орқада қолиб, ривожланган ғарб қаршисида ўзлигини йўқота 
бошлаши тўйларга ҳам таъсир қилди, тўйларнинг диний ва миллийликдан 
узоқлаштирди. Авваламбор, катта шаҳарларда ғарбга тақлидан қилинган тўй 
тантаналари замон билан бирга энг кичик қишлоқ жойларга қадар ёйилган, соғлом оила 
қурилишини қутлаш ўрнига миллий анъаналаримиз ёт маросимларнинг ўлкаларимизга 
киришига ва ўрнашишига восита бўлган. Тўйларнинг миллийлигини йўқотувчи бундай 
дабдабалар ҳалигача давом этмоқда. Бу салбий холатни қоралаш орқалигина тўхтатиб 
бўлмайди, буларга муқобил тарзда тадбирлар ўтказиш лозим. Спиртли ичимликлар 
ичилган, қучоқлашиб рақсга тушилган, ёмон сўзлар ишлатилган, мастларнинг 
қичқириғи ва қусишлари билан давом этадиган бу тўйларга қарши ёшларимизни ўзига 
тортадиган, уларнинг покиза завқ ва орзуларини қондирадиган тўйлар қилишимиз 
фойда келтиради. Ёшларнинг орзу ва истакларини шаръий йўл билан қондирмасак, 
53

---

улар истар-истамас ғайри исломий тўйларни истаб қолишади. Ва бу билан кўплаб 
исломий ва инсоний қадриятлардан мосиво бўладилар.
Бугунги тўйларни жозибалироқ ўтказиш учун қуйидаги тажриба қилиниши мумкин.
1. Маишат.
Тўйда дастурхон ёзиш суннатдир. Тўй эгалари ўз имкониятларига кўра 
дастурхон ёзиши, айниқса, ёшларга қаратилган совға тақдим этиши керак. Масалан, 
келин-куёвнинг уйига кираётган пайтда ширинликлар сочиш кўпчиликда қизиқиш 
уйғотмоқда. Ҳазрати Пайғамбар (с.а.в.) даврида келин уйга кираркан, хурмо сочиларди.
2. Хурсандчилик.
Тўйда ўйин-кулгу, хурсандчилик, шодиёна бўлиши табиийдир. Бу 
жараёнларни янада бойитиш, жозибали ҳолга келтирилиш лозим. Фақат ваъз ўқиш, 
мавлуд ўқиш билан тўй бўлмайди. Мавлуд ўлганнинг орқасидан ҳам ўқилади. Ваъз 
ҳамма вақт тингланади. Тўй маросимини дафн маросимидан айириш учун 
шодиёналарга лоқайд бўлмаслик лозим. Миллий ва замонавий мусиқалар, қўшиқлар 
билан тўйларни жонлантириш айни муддаодир. Хина кечаси, яъни келиннинг 
сарполарини кўриш, уни кийинтириш ва пардоз-андоз қилдириш анъанаси ҳам 
суннатга мос. Уни ёйишда ва бойитишда фойда бор.