Баҳтли оила 1 Кириш

3. Турли хил мусобақалар.
Юртимизнинг кўп жойларида ўтадиган тўйлардаги 
улоқ, пойга, югуриш, кураш каби мусобақалар воз кечилмайдиган маросимлардан эди. 
Шаҳар ҳаётида бундай тадбирларни йўлга қўйиш осон бўлмаса ҳам, шунга мос 
келадиган салон ва майдонларда, айниқса, ёшлар орасида кураш, гимнастика каби 
спорт ўйинлари ўтказилиши мумкин. Қилич-қалқон ўйинлари, аёл-эркак аралаш 
бўлмаган фолклор чиқишлар тўйларга қизиқишни орттиради.
4. Турли хил ҳажвлар.
Кишиларнинг ор-номус ва шахсиятига тегмайдиган тақлид, 
ҳажв, ҳазиллар қилиниши ҳам мумкин. Шеър ва латифа мусобақалари, соврини тўй 
эгаси томонидан бериладиган тез айтишлар, топишмоқлар ҳам тўйларни жозибали 
қилади. Бу тадбирлар ёшларнинг миллий тўйларга қизиқишини орттиради. Натижада 
эса Ҳазрати Пайғамбар (с.а.в.) давридан оладиган намуна билан бугунги замонга мос 
исломий тўй моделини наслимизга тақдим этиш, шу тариқа тўй маросимларини 
гуноҳлардан фориғ қилиш арафасида турибмиз.
54

---

Келин-куёвни чимилдиққа тайёрлаш
Чимилдиққа илк қадам қўяётган ёшларни жисмоний ва руҳий томондан тайёрлаш 
керак. Иккиси ҳам озода, гўзал қиёфада, айниқса, келиннинг қиёфаси урф-одатга мос 
бўлиши лозим. Келин-куёвга тажрибали одамлар тарафидан жинсий мавзуларда билим 
берилиши, соғлиқ ва дин жиҳатидан зарарли ҳаракатлардан эҳтиёт қилиниши керак. 
Чимилдиққа кириш келиннинг ҳайз кўрмаган кунларига тўғри келиши аҳамиятлидир.
Тўйнинг маълум бир кун ва ойга тўғрилаш мажбурияти йўқ. Икки ҳайит орасида 
бўлиши ҳам зарарли эмас. Аксинча, Шаввол ойида бўлишининг мустаҳаблигига доир 
ривоятлар бор. Чимилдиққа кириш кечасининг пайшанба кечасига тўғри келиши бир 
урф-одат эди. Келинлик либосини киймасдан олдин қиз таҳорат олади, икки ракат 
намоз ўқийди, дуо қилади.
Тўй кечаси куёв энг яқин масжидга намозига олиб борилади. Намоздан кейин имом 
дуо қилади. Баъзи жойларда такбир билан уйга келтирилади ва гўшангага олиб 
кирилади.