Баҳтли оила 1 Кириш

Ҳазрати Иброҳим (а.с.)га ёққан ва ёқмаган келин
Ҳазрати Иброҳим (а.с.)нинг ўғллари Исмоил балоғат ёшига етгач, Журҳум 
қабиласидан бўлган бир қизга уйланди. Кунларнинг бирида онаси Ҳожар вафот этди. 
Исмоил уйлангандан кейин Иброҳим (а.с.) ташлаб кетган ўғлини ва келинини кўришга 
келдилар. Исмоил уйда йўқ эди. Исмоилнинг аёлидан уни сўрадилар. У:
- Тирикчилигимизни таъминлаш учун чиқиб кетди, деди. Иброҳим кейин:
- Тирикчилигингиз, аҳволингиз қандай? - деб сўрадилар. Исмоилни аёли:
- Кун кечиришимиз қийин. Жуда ёмон аҳволдамиз, – деб шикоят қилди.
Кейин Ҳазрати Иброҳим келинига:
- Эринг келганида мендан салом айт, уйини эшигини алмаштирсин.
Исмоил келганида отасини келиб-кетганини англагандай бўлди ва:
- Уйимизга биров келдими? - деб сўради. Аёли:
- Ҳа. Шундай бир қария келди. Мендан сизни, кейин аҳволимизни сўради. Мен 
аҳволимиз ёмон эканлигини айтдим, деди. Кейин Исмоил:
- Сенга биров нарса омонат қилдими? - деди. Аёли:
- Ҳа, менга сизга салом айтишни ва уйни эшигини алмаштиришингизни тайинлаб 
кетди, деди. Исмоил аёлига:
- Бу келган қария отам. Менга сен билан ажрашишни амр этган. Энди сен оилангга 
кетишинг мумкин, – деди ва у билан ажрашиб бошқа бир қизга уйланди.
Иброҳим (а.с.) Аллоҳ буюрган бироз муддат ўтгач, яна келдилар. Уйда Исмоил яна 
йўқ эди. Келинидан Исмоилни сўради.
- Тирикчилигимизни таъминлаш учун чиқиб кетдилар, - деди келин.
- Тирикчилингиз, аҳволингиз яхшими?
- Биз, хайр, саодат ва баракат ичидамиз, – деди ва Аллоҳга ҳамду-сано айтди.
- Нима еб, нима ичяпсизлар?
- Гўшт еяпмиз, сув ичяпмиз.
79

---

- Эй Раббим, буларни гўштларини ва сувларини баракотли қил, - деб дуо қилдилар ва 
келинга:
- Эринг келганида унга салом айт ва унга эшигини яхши тутишлини тайинла, – 
дедилар. Иброҳим кейин Шомга қайтди. Исмоил қайтиб келиб, аёлидан:
- Уйимизга биров келдими? - деб сўради.
- Ҳа, нуроний юзли бир отахон келди.
- Сизни сўради, мен тирикчилигимизни таъминлаш учун чиқиб кетди, дедим. - 
Тирикчилигингиз қандай? - деб сўради. Мен: - Ҳамма нарсамиз етарли дедим.
Кейин Исмоил аёлидан:
- Сенга бирор нарса омонат қилдими? - деб сўради. Аёли:
- Ҳа. Сизга салом айтишимни ва уйнинг эшигини яхшилаб тутишингизни тайинлади, 
деди. Исмоил аёлига:
- ўша зот менинг отамдир. Сен эса уйимизни шарафли эшигисан. Отам менга сени 
яхши тутишимни амр қилган, деди.
Иброҳим (а.с.) борига шукр қилмайдиган биринчи келинни хуш кўрмаган ва у билан 
ажралишини истаган, сабр-қаноатли иккинчи келинни эса яхши кўриб, унинг яхши 
тарзда сақланишини истаган ва уни дуо қилганлар. Пайғамбарларнинг дуосига 
мушарраф бўлишни истовчи келинлар Иброҳим (а.с.)нинг иккинчи келини каби 
ҳаракат қилишлари керак.