Баҳром ирзаев туркистон жадидларининг

Тикон
Инқилоб. 1923 йил. № 9–10. – Б. 52–55.
Ватан
Етар кўк узра бечора ватаннинг оҳу авғони,
Оғир ҳолатда қолмиш, йиғлаюр, чиқмоқдадир жони.
Урилмиш, ёндирилмиш, куйдирилмиш, бағри қон ўлмиш,
Узулмиш, марҳамат, шафқат, кесилмиш, оқмадин қони.
Кечар устидан авлоди, тушунмас ким этар афғон,
Тушар бечоранинг ёдиға кечмиш хони ва ҳоқони.
Ватан авлодиман, деб лоф урарлар тушларида, йўқ
Ким остида, ким устида, бу Ватан кимларнинг қурбони...
Хосият Тиллахонова
Билим ўчоғи. 1922 йил. № 1. – Б. 54.
www.ziyouz.com kutubxonasi

---

116
Булоқ
(наср ва назм)
Оппоқ юзлик, соф кўнгиллик, ширин булоқ сувлари!
Ноз қилиб, жилваланиб, ер остида югуруб –
Югуриб ёруғлиққа чиқосиз.
Шошиб, пишиб, ўйнаб кулиб, сучук тилла
Чувуллайсиз, сўзлайсиз,
Ай, ёш, чақолоқ, гўзал булоқ сувлари!
Энтикиб, энтикиб, ширин, ширин ҳикоялар қиласиз,
Қоронғу ер даҳшатларин қобоқ солиб сўзлайсиз!
Дилда бўлган олий мақсад, ёрулиқнинг орзусин...
Бунга етгач уяласиз, кулимсираб қизарасиз,
Бошингизни эгасиз
Нурли қуёшга бирдан боқиб,
Титраб, қизиб, хитоб билан,
Ошиқларнинг дардлик олов сўзларин,
Кўпдан бери қамалиб ётган, диллардаги орзуни
Тўхтамайсиз, энди бир-бир сочасиз!
Ҳайрон бўлиб офтоб тинглар,
Секин-секин юқори чиқар,
Сўзингизга сўз тополмай, бадани унинг ўтдек қизарар,
Маюс бўлиб пастга тушар, ғойиб бўлар...
Рангин учириб, дамин тўсиб, қулоғин осар, Ой, бечора,
Ўзининг ёшлик – қуёш вақтин эсга олар...
Юраги ачир, типирчилар...
Тез кетмакка ҳаракат қилар...
Юлдузлар эса эси кетиб, мўлтираб боқар, турар...
Баъзи вақтлар шамол эсиб, ҳикоядан эшитиб олиб,
Атрофларга, тоғ-тошга хабар берар, бир-бир сўзлар...
Девга ўхшаш баланд тоғлар тимдаланган 
кўкракларин кўтарур...
Қотиб тикилур, сувга боқар, ҳўмраюр...
Билмам сабабин хафалигин тоғларнинг...
Кип-кичкина булоқ сувин ҳаракати орзуси
www.ziyouz.com kutubxonasi

---

117
Бу тоғларнинг қаттиғ дилин ҳасад билан эзами?...
Ёки булар бу ҳаракат шодликнинг
Бўш эканин тушунар, ачинар?...
Сувнинг эса, булар билан иши йўқ,
Парво қилмай, шуъла билан қучоқлашур,
Жилваланур, шодланур...