Baratov maxsudali naziralievich tijorat banklari investitsiya portfelini boshqarishni takomillashtirish

11-rasm. Tijorat banklarining investitsiya portfelini boshqarishni takomillashtirish chora-tadbirlari⁵³
Ushbu chora-tadbirlar istiqbolda tijorat banklari investitsiya portfelinining samarali boshqarilishiga xizmat qiladi va banklarning investitsiyalar bozoridagi rolini oshirishga imkon yaratadi.

Bank amaliyotida investitsiya portfelini boshqarishda banklarning qimmatli qog’ozlar bozoridagi faoliyatining huquqiy va me’yoriy asoslarini takomillashtirish, ikkilamchi fond bozorining likvidlik darajasi past bo’lgan sharoitda qimmatli qog’ozlar bilan REPO operatsiyalarini amalga oshirish jarayonlari ustuvor ahamiyatga ega. Bu kabi chora tadbirlar tijorat banklarining qo’shimcha kapital bazasini mustahkamlashda sho’’ba korxonalariga qilingan qo’yilmalar va subordinatsiyalashgan qarz majburiyatlari hajmini oshirish yo’li bilan qo’shimcha kapital bazasini mustahkamlash imkoniyatini beradi.

Fikrimizcha, tijorat banklari investitsiya portfelini boshqarishni takomillashtirish yuqoridagilar bilan birga quyidagi chora-tadbirlarni amalga oshirish maqsadga muvofiq:

– banklarda qimmatli qog’ozlar bilan bog’liq operatsiyalar bo’yicha axborotlar shaffofligini ta’minlash va ularni ommaviy axborot vositalarida e’lon qilib borish;

– banklarning investitsion riskini sug’urtalash tizimini ishlab chiqish va qo’llash, investitsiya va risklarni sug’urtalash fondini tashkil etish;

– tijorat banklarining qimmatli qog’ozlar bilan operatsiyalarning riskini sug’urtalash bo’yicha tegishli me’yoriy-hujjatlar ishlab chiqish;

– tijorat banklarining investitsion portfelini diversifikatsiya qilish orqali qimmatli qog’ozlarga qo’yilgan mablag’larning risk darajasini pasaytirish;

– mamlakatimizdagi yirik tijorat banklarining xalqaro fond birjalariga o’z qimmatli qog’ozlarini olib chiqish uchun zarur bo’lgan shart-sharoitlarni yuzaga keltirish va boshqalar.