Баҳодир эгам

ОПАГИНАМ 


(Меҳрибон шифокор – опажоним Хадича Холовани
хотирлаб... )

Сиз ҳамиша дармон бўлган дардларимга,

Эркалатиб, кўнардингиз шартларимга,
Энди эса сиғмаяпсиз байтларимга,
Бу оламни ёш тарк этган опагинам,
Олтмишга ҳам етмай кетган опагинам...

Яхши опа, яхши сингил, яхши она,

Беморларга гиргиттону ҳам парвона,
Дардингизга бўлолмадик ҳеч дармон-а,
Кўкка сиғмас оҳу нолам, опагинам,
Йўқлигингиз қилар алам, опагинам...

Сиздан рози – ҳимматингиз чексиз бори,

Дуо қилар ортингиздан ёшу қари,
Болангиз ҳам йўлин топиб кетди бари,
Обод бўлсин охиратингиз, опажон...


ЖАНГЧИ БОБОЛАРИМ
(Фашизм устидан қозонилган Ғалабада
қизилтепаликларнинг ҳам ҳиссаси катта)
С издан бизлар хотира тинглаб
Тафсилотни биз шеърга битдик.
Душманларни янчганлар минглаб
Боболарга биз таъзим этдик.
Жангчи бобом Каримов Омон
Орденлари кўксида қатор.
Фашистларни этдилар яксон,
Қаҳрамонлик кўрсатиб минг бор.

Ж асур Дўстов Файзулло бобо

Танкаларни портлатиб қайтган.
Таълим бериб сўнгра ёшларга
Жанггоҳлардан ҳикоя айтган.
Жангчи бобом Нажмиддин Диёр
Басавлату қўрқмас, ботирлар.
Қийнаса ҳам танда осколка
Сабр ила чидаб юрдилар.

Сафда бордир Исматов Бозор,

М усофирлик азобин кўрган.
Хизмат чоғи бўлиб кўп ҳушёр
Разведкага қор кечиб борган.
Жангчи бобом Тилав Муҳаммад
Дейди оллоҳ асради бизни.
Тинчлик учун қанча юрт кездик,
Қанча дарё, қанча денгизни.

А сло қўрқмас Пўлатов Мурод

Немисларни қолдирган доғда.
Сафдошларин доим қилар ёд,
Мустақил юрт бўлсин дер обод...


МУНДАРИЖА
Муқаддима..............................................................................3