Баҳодир эгам

ҚАЙДА БОР?
Чалиб қўлда созингни,
Созлагин овозингни,
Айтгин дилдан розингни,
Бундай Ватан қайда бор?
Фақат бизнинг жойда бор.

Тўртта фасл – тўрт жаннат,

Яшаб қиласан роҳат,
Йўқдир жабру машаққат,
Бундай Ватан қайда бор?
Фақат бизнинг жойда бор.

Қонунлари устувор,

Бунда тинчлик барқарор,
Дунё тан олган диёр,
Бундай Ватан қайда бор?
Фақат бизнинг жойда бор.

+++
Кўз тегмасин илоҳим юртимиз жамолига,

Кундан кун равнақ топган бўй-басти – камолига,
Асло алишмагайман гўзалларнинг холига,
Бундай Ватан қайда бор?
Фақат бизнинг жойда бор.

Мағрибдан машриққача овозаси кетган юрт,

Улуғ алломаларнинг руҳи қўллаган юрт,
Фарзандларин ардоқлаб, илмга йўллаган юрт,
Бундай Ватан қайда бор?
Фақат бизнинг жойда бор.

Ҳар қадамда озодлик, ободликни кўрасан,

Хонадонлар тинч, аҳил шодмонликни кўрасан,
Қозоқ, қирғиз, тожик, рус, туркманлардан сўрасак:
Бундай Ватан қайда бор?
Фақат бизнинг жойда бор.

Кексалари эъзозда, дуо қилиб турибди,

Ёшлари илҳомланиб, тавсиф излаб юрибди,
Бундай одил Юртбошини дунё қачон кўрибди?
Бундай Ватан қайда бор?
Фақат бизнинг жойда бор.
ЧАҚАЛОҒИМ

(Набирамга)

Дунёга келдингми, жон чақалоғим,

Уйимни ёритган шамсу чироғим,
Ҳаётимга зеб берган боғу чорбоғим,
Хуш келдинг уйимга, ҳур чақалоғим!

Суюнчи, дейишиб чопар болалар,

Қовурдоқ пиширар амма, холалар,
Ҳар томонда янграр қўшиқ, яллалар,
Хуш келдинг одамчам, ҳур чақалоғим.

Боболар, бувилар қўли дуода,

Бўлсин дер боламнинг умри зиёда,
Ғам-андуҳ, ҳасрат кўрма дунёда,
Хуш келдинг ширингина дўмбоғим.

Отангни меҳнатга чоғлаган сенсан,

Онангни яшнатиб, соғлаган сенсан,
Оила риштасин боғлаган сенсан,
Хуш келдинг дунёга ширин оппоғим!
УСТОЗ

Ҳар бир ҳарфни ҳижжалаб ёзмоқликни ўргатдинг,

Ҳар бир сўзнинг маъносин уқмоқликни ўргатдинг,
Ҳаёт сўқмоқларидан ўтмоқликни ўргатдинг,
Токи ҳаёт эканман, сенга қилурман таъзим,
Ҳамиша омон бўлгин азиз, улуғ устозим!
Ўқи, ўқи, ўқи деб ҳар лаҳза хитоб этдинг,
Ҳар бир сўзни эъзозлаб, иншо-ю китоб этдинг,
Ҳар бир ўтган кунингга раҳмату савоб этдинг,
Токи ҳаёт эканман, сенга қилурман таъзим,
Муқаддас, мўътабарсан улуғ, азиз устозим.

Берган сабоқларингни қалбимга жо қилурман,

Катта бўлсам сен каби эл корига ярарман,
Чеккан заҳматларингга таъзим бажо қилурман,
Токи ҳаёт эканман, сенга қилурман таъзим!