Баҳодир эгам

САБР БЕР
(Ғаффоржон акамни эслаб)

Ака, десам камдир, отамсиз,

Сиз фаришта, одил, ҳотамсиз,
Энди қандай яшайман Сизсиз?
Ўзинг сабр бергин Оллоҳим.

Она қизим, деб ардоқлаган,

Юрагида суюб, сақлаган,
Фарзандлик бурчин ҳам оқлаган
Меҳрибоним, жоним онамсиз.

Ўртар мени қалбимдаги ғам,

Андуҳлару кўзларимда нам,
Ўтармикан бу қайғули дам?
Ўзинг сабр бергин Оллоҳим!

Ҳаж сафарин адо этдингиз,

Мискинларга фидо эдингиз,
Эътиқоди баланд эдингиз,
Бизга сабр бергин, Оллоҳим.

Сиздан яхши амаллар қолди,

Эслагувчи хуш дамлар қолди,
Асл, аҳил фарзандлар қолди,
Раҳматингга олгин Оллоҳим...

Муҳаммаднинг асл уммати,

Суратидан гўзал сийрати,
Иншооллоҳ бўлгай жаннати,
Раҳматингга олгин Оллоҳим,
Бизга сабр бергин Оллоҳим...


СУЯНЧ ТОҒЛАРИМ 
(Фарзандларимга)
Оллоҳ мени хўп сийлади,
Толеимдан қисмади.
Барча орзу-истакларим
Йўлларини тўсмади.
Яхши Ватан, ота-она,
Танлаб бўлмас, илож йўқ.
Агар улар хароб бўлса,
Келажак йўқ, ривож йўқ.
Бахтим шулки, обод Ватан,
Яхши ота-онамга.
Оллоҳимга минг шукурки,
Соғлом руҳ бор танамда.

Сабр-бардош бердинг ўзинг,

Шижоати шахтимдан.
Уч ўғилу бир қизим бор,
Минг розиман бахтимдан.

Бош фарзандим – Рустамжоним

Оллоҳ берган инъоми.
Маслакдошим, суянч тоғим,
Ишонганим – қўрғоним.

Насиҳатим: шифокорсан,

Эл дардига дармон бўл,
Ширин сўзли, меҳрибон бўл,
Саломат бўл, омон бўл.
Фарҳоджоним, сенинг билан
Бағрим бутун, кўнглим тўқ.
Сен дилкашсан, меҳмондўстсан,
Сенсиз уйнинг файзи йўқ.

Сен Ватаннинг посбонисан,

Эл ишончин оқлагин.
Юрт равнақи, тинчлик учун
Иймонингни сақлагин.

Зилол қизим, онажоним,

Меҳрибоним сен ўзинг.
Ифтихорим ҳам ғурурим,
Танда жоним сен ўзинг.

Зилол қўйдим исмингни ҳам

Тиниқ бўлсин иқболинг.
Баланд бўлсин истиқболинг,
Кўрмай асло заволинг.

Оналик бу улуғ мақом,

Оналикни оқлагин.
Шарму ҳаё либосингдир,
Иффатингни сақлагин.

Ғолибжоним – эркатойим,

Оғир, вазмин феълинг бор.
Сен дардларга дармон бўлгин,
Дуогўйинг – элинг бор.

Сенинг билан фахрланиб

Давраларда юраман.
Сенга умр, соғлик тилаб,
Дуо қилиб юраман.

Ҳаётимнинг гулжожисиз,

Сизлар бахтим, иқболим.
Ишларимнинг ривожисиз,
Сизлар офтобим, ойим.

Истагим шу:Оллоҳ сизни

Паноҳида асрасин.
Саломатлик, умр берсин,
Ёмон кўздан сақласин!