Банк тизимини такомиллаштириш – ИҚтисодий ривожланишнинг асосий йўналиши сифатида

Пул-кредит сиёсатининг фоиз инструментларини 
такомиллаштириш 
Марказий банк томонидан тижорат банкларининг ликвидлигини 
тартибга солиш ва уни бошқаришда пул-кредит сиёсатининг бозор 
инструментларидан фаол фойдаланиб борилади. 

---

36 
Бунда, халқаро тажриба ва мамлакатимиз банк тизимининг ўзига хос 
хусусиятини инобатга олган ҳолда тижорат банкларига ликвидлик бериш 
бўйича янги инструментлар жорий этилиши ва мавжуд инструментларини 
такомиллаштириш борасида ишлар фаоллаштирилади. 
Шунингдек, келгусида банк тизимида вужудга келиши мумкин бўлган 
ортиқча ликвидликнинг инфляцион босимини камайтириш мақсадаларида 
тижорат банкларининг бўш пул маблағларини Марказий банкнинг 
депозитларига жалб қилиш операцияларини ҳам такомиллаштириш ва 
кенгайтириш кўзда тутилмоқда. 
Мазкур чора-тадбирларнинг амалга оширилиши Марказий банк фоиз 
инструментлари самарадорлигининг ошишига ҳамда келгусида кўзда 
тутилган 
пул-кредит 
операциялари 
бўйича 
“фоиз 
оралиғини” 
шакллантиришга замин яратади. 
Очиқ бозор операциялари 
2018 йилда Марказий банк очиқ бозор операцияларни фаоллаштириш 
мақсадида Молия вазирлиги билан бирга давлат қимматли қоғозларини 
муомалага чиқариш масаласида яқиндан ҳамкорлик қилади.
Марказий банк операцияларини янада такомиллаштириш борасида бир 
қатор норматив-ҳуқуқий ҳужжатлар ишлаб чиқилиши ва амалга киритилиши 
борасидаги ишлар 2018 йилда ҳам давом эттирилади. Хусусан, “своп” ва 
бошқа операциялар бўйича тегишли ҳуқуқий асослар такомиллаштирилиши 
режалаштирилмоқда.
Пул бозори фаолиятини такомиллаштириш 
2018 йилда қисқа муддатли ликвидликни тақдим этиш банклараро 
ресурслар бозори учун ягона электрон платформани ишга туширилиши кўзда 
тутилмоқда.
Мазкур чоралар тижорат банкларининг мавжуд бўш сармоялари 
тўғрисидаги ахборотни ягона платформага тўплаш ҳамда бозор 
иштирокчилари учун фоиз ставкалар динамикасини аниқ-равшан кузатиш 

---

37 
имконияти орқали фоиз ставкаларнинг бозор механизмлари асосида 
шаклланишини таъминлайди. 
Айни вақтда, ягона электрон платформа Марказий банкнинг бозор 
операциялари орқали қисқа муддатли фоиз ставкаларига тезкор таъсир 
ўтказиш имкониятини кенгайтиради ҳамда фоиз канали трансмиссион 
механизми таъсирини кучайтиришга хизмат қилади.