Банк тизимини такомиллаштириш – ИҚтисодий ривожланишнинг асосий йўналиши сифатида

2018 йилда пул-кредит сиёсати самарадорлигини ошириш чора-
тадбирлари 
Инфляцияни самарали жиловлашда пул-кредит сиёсати ва монетар 
инструментларнинг самарадорлигини оширишга қаратилган ишлар кўлами ўз 
ичига ўрта муддатда босқичма-босқич инфляцияни таргетлаш режимига 
ўтишни таъминлаш учун зарур иқтисодий ва ҳуқуқий асосларни 
мустаҳкамлаш тадбирларини қамраб олади.
Бунда, 2018 йилнинг биринчи чорагида “Ўрта муддатда пул-кредит 
сиёсатини такомиллаштириш ва амалга ошириш концепцияси” 2018-2021 

---

35 
йилларда инфляцияни таргетлаш режимига ўтишни таъминловчи батафсил 
“йўл харитаси” бўлиб хизмат қилади.
“Концепция” самарали пул-кредит сиёсати олиб бориш мақсадида ички 
макроиқтисодий омиллар ва ташқи шароитнинг ўзгариши инобатга олган 
ҳолда пул-кредит инструментларини такомиллаштириш учун зарурий 
шароит яратиш ҳамда уларнинг трансмиссион механизми самарадорлигини 
ошириб боришга Марказий банкнинг амалий ёндашувларини ўзида акс 
эттиради.
Шу жумладан, 2018 йилда пул-кредит инструментлари самарадорлигини 
ошириш чоралари мамлакатда юзага келган янги иқтисодий воқеийлик ва 
талабларга 
мос 
равишда 
мажбурий 
захиралаш 
талабларини 
такомиллаштириш, банклараро пул бозори фаолиятини кенгайтириш, 
монетар операциялар ўрни ва таъсирини ошириш, пул-кредит ва фискал 
сиёсат мутаносиблигини таъминлашга қаратилади.
Ўз навбатида, Марказий банк томонидан банк тизимининг молиявий 
мустаҳкамлиги ва барқарорлигини таъминлашга қаратилган пруденциал банк 
назоратининг самарали қўлланилиб борилиши пул-кредит сиёсатининг 
таъсирчанлигини оширишга қаратилган зарур шартлардан бири бўлиб 
ҳисобланади.
Шу нуқтаи назардан, халқаро тажриба ва андозалар асосида банк 
назорати амалиётини такомиллаштириш, шунингдек, банк тизимида рақобат 
муҳитини яхшилаш, банкларнинг кредит сиёсатида бозор механизмларини 
кенг жорий этиш бўйича ишларнинг давом эттирилиши тизимга бўлган 
ишончнинг ортишига ва пул-кредит сиёсатининг самарадорлигини 
таъминлашга хизмат қилади.