Balog`at ilmi. Balogʻatga yetish

Fiziologik mastit — ba'zi chaqaloqlarning jinsidan qat'i nazar, sut bezlarining bo'rtib turishi bo'lib, ona qornida rivojlanish davrida bolaga onaning estrogen gormonlarining ortiqcha o'tishi bilan xarakterlanadi. Fiziologik mastit odatda ikki tomonlama bo'lib, 3-4-kunlarda
paydo bo'ladi, 8-10-kunlarga kelib maksimal kattalikka yetadi (olxo'ri kattaligigacha). Ba'zida siqib ko'rilganda quyuq sut ajralishi ham mumkin. Sut bezlari osongina shikastlanishi, infeksiyalanishi va yiringlanishi xavfi kuchliligidan, ularni ortiqcha ta'sirlardan asrash kerak. Ayrim hollarda yo'rgaklashdan oldin sut bezlari ustiga steril
paxta qo'yish tavsiya etiladi.
Kataral vulvovaginit - ba'zi yangi tug'ilgan qiz bolalarda (5—10 %) onasining follikulyar garmonlari ta'sirida jinsiy yoriqlaridan shilimshiq yoki qon aralashgan suyuqlik ajralib chiqishi, vulvaning va jinsiy a'zolarining shishib turishi kuzatiladi. Bu holat aksariyat hollarda bola hayotining 5-7-kunlari kuzatiladi va taxminan, 1—2 kun davom etadi. Bunda chaqaloqning tagini kaliy permanganatning kuchsiz eritmasi bilan ehtiyotlik bilan yuvib turiladi.
Vaznning fiziologik tushishi - yangi tug'ilgan chaqaloqlarning qiladi. Vaznning eng ko'p tushishi bola hayotining 3—4-kuniga to'g'ri keladi. Aksariyat chaqaloqlar dastlabki vaznini hayotining 10-kunlarida, ba'zilari esa kechi bilan 15 kunda qayta tiklaydi. Vaznning
fiziologik tushishiga sabab, bolaning dastlabki kunlarda ovqatga yolchimasligi, teri va o'pka orqali suv chiqib ketishi, birinchi marta siyish va ich qilish bilan suv yo'qotish, ichiladigan va chiqariladigan suyuqlik miqdorining bir-biriga mos kelmasligi, qog'onoq suvlar yutilgan bo'lsa qayt qilish bilan chiqarib yuborilishi va kindik qoldig'ining qurishidan namini yo'qotishi kabilar hisoblanadi.
Diqqat!
Tana vaznining 10% dan ko'proq tushib ketishi qanday bo'lmasin biror kasallikning dastlabki belgilaridan biri bo'lishi mumkin. Bunday hollarda albatta uning sabablarini aniqlash va tegishli choratadbirlar ko'rish lozim.